Меню Сайта
Онлайн Мини Чат
Статистика сайта
Онлайн всего: 114
Гостей: 113
Пользователей: 1
maxx
Фотогалерея
Главная » Mahalliy » 5—17-aprel kunlari yangicha yondashuv asosidagi mehnat yarmarkalari bo‘lib o‘tadi
16:15
5—17-aprel kunlari yangicha yondashuv asosidagi mehnat yarmarkalari bo‘lib o‘tadi
Joriy yilning 5-apreldan 17-aprel kuniga qadar O‘zbekistonning barcha hududlarida kollej bitiruvchilarini ishga joylashtirish va o‘z bizneslarini ochishga ko‘maklashish maqsadida hududlarda yangicha yondashuv tizimi asosida maxsus 3—4 kun davom etadigan yarmarkalar o‘tkaziladi. Bu haqda O‘zbekiston Respublikasi Mehnat vazirligi matbuot xizmati “Daryo”ga ma’lum qildi.

Mazkur mehnat yarmarkalari tartibiga ko‘ra, bitiruvchilar birinchi kun ish o‘rinlari, loyihalarning texnik iqtisodiy asoslari hamda mini-texnologiyalar bilan tanishadi va egallagan kasb-mahoratini namoyish qiladi. Ikkinchi kuni oilaviy imkoniyatlari va qiziqishini hisobga olgan holda, maslahatlashib ota-onalari bilan ishtirok etadi. Keyingi kuni esa o‘ziga ma’qul keladigan ish joyini tanlaydi yoki biznesni boshlash uchun tegishli hujjatlarni rasmiylashtiradi.

Yangi tartibdagi mehnat yarmarkalari davomida ishtirokchilar:

– tadbirkorlik qilishlari uchun joylardagi bo‘sh turgan yer maydonlarini va foydalanilmayotgan binolar bo‘yicha ma’lumotlar bilan tanishishlari;
– qishloq xo‘jaligi mahsulotlari – chorva, parranda, kurka, baliq, asalari, quyonchilik, bog‘dorchilik ishlarini tashkil etish, ayniqsa, tomorqa xo‘jaligiga oid barcha turdagi xizmatlarni bilan tanishish va shartnomalar tuzish;
– bitiruvchilarning biznes-rejalarini moliyalashtirish bo‘yicha kreditlar olish;
– jamg‘arib boriladigan pensiya hisob (INPS) va soliq to‘lovchining identifikatsion (STIR, INN) raqamlarini olish;
– o‘z bizneslarini boshlash istagida bo‘lganlar uchun mini- texnologiyalar, jihozlar va asbob uskunalar bilan tanishish va shu joyning o‘zida xarid qilish bo‘yicha hujjatlarni rasmiylashtirish;
– mavjud bo‘sh ish o‘rinlari, shuningdek sanoat, xizmat ko‘rsatish va qishloq xo‘jaligi yo‘nalishlarida ishga tushadigan loyihalar hisobiga yaratiladigan ish o‘rinlari to‘g‘risida ma’lumotlar burchagi tashkil etiladi, ishtirokchilar o‘zlariga maqbul bo‘lgan ish o‘rinlariga yo‘llanmalar beriladi;
– to‘rt tomonlama tuzilgan shartnomalar hamda tuman (shahar)dagi yirik korxonalarga kollej bitiruvchilari egallagan kasb mahorati va qobiliyatini namoyish etish joylarini tashkil etiladi;
– yarmarkaning o‘zida “yagona darcha” xizmatidan foydalanib o‘z biznesini davlat ro‘yxatidan o‘tkazadi;
– ishga joylashish va o‘z bizneslarini ochishga ko‘maklashish bo‘yicha tegishli mutaxassislar tomonidan maslahatlar beriladi.

Natijada, mehnat yarmarkasi ishtirokchilari, ayniqsa kasb-hunar kolleji bitiruvchilari o‘zlariga maqbul kelgan ishga joylashishi, tadbirkorlik faoliyatlarini yo‘lga qo‘yishi hamda tomorqa xo‘jaligini yanada rivojlantirish orqali fuqarolarning daromad manbaini oshirishi uchun keng imkoniyatlar yaratiladi.
Категория: Mahalliy | Просмотров: 160 | Добавил: versign | Рейтинг: 0.0/0
Всего комментариев: 0
avatar
CHAQMOQ.COM © 2016-2017 | Statok.net waplog Яндекс.Метрика