CHAQMOQ.COM Juma, 19.01.2018, 14:37
Приветствую Вас Гость | RSS
Меню сайта

Категории раздела
Dunyo yangiliklari [496]
Shou-Biznes yangiliklari [460]
Sport yangiliklari [233]
Kino va Serial yangiliklari [147]
O'zbekiston yangiliklari [413]
Texnologiyalar [154]
Mobil operatorlar [57]
Munajjimlar bashorati 2017, 2018 [43]
Mobil telefonlar dunyosi [89]
Avtomobil dunyosi [45]
Dunyo g'aroyibotlari [27]
Foydali maslaxatlar [449]
Qiziqarli faktlar [95]
Salomatlik va Kasalliklar [174]
Qo'shiqlar matni [42]
Premyera [3]
Sevgi Iztirobi Turk Serial Voqealar Rivoji [22]

Мини-чат

Наш опрос
Оцените мой сайт
Всего ответов: 121

Статистика

Онлайн всего: 95
Гостей: 95
Пользователей: 0

Главная » 2017 » Iyun » 13 » ​Alisher Fayz bu gal Iroda Ismoilovani tanladi (Foto va video)
08:16
​Alisher Fayz bu gal Iroda Ismoilovani tanladi (Foto va video)

Joriy yilning may oyida O`zbekistonda xizmat ko`rsatgan artist Alisher Fayz o`zining “Ko`nglim senda” deb nomlangan yakkaxon konsert dasturini taqdim etgani haqida avval xabar bergandik. Ijodining 12 yilligi va 10-yubiley konserti ham odatdagiday noodatiy mavzularga boy bo`ldi.

Ana shu konsert dasturiga uzviy ravishda xonanda bir yo`la ikkita qo`shig`iga klip ham suratga oldi.

Yangi videolar haqida batafsil ma`lumot olish uchun xonandaning o`zi bilan bog`landik:

Alisher FAYZ, O`zbekistonda xizmat ko`rsatgan artist: — Konsertdan keyin klip suratga olish ishimizning ketma-ketligidagi bir bo`lagi. Bu yil konsertda kuylangan O`zbekiston xalq shoiri Iqbol Mirzo qalamiga mansub “Kammi?” qo`shig`i hayotiyligi bilan rosti ijodiy jamoamizga ham manzur kelgan. Qolaversa, qo`shiqlarni muxlislarga taqdim qilishdagi ketma-ketlikda turfa xillikka ham e`tibor berish maqsadida sho`x qo`shiqlardan chekinib, sokin qo`shiqqa klip olishga qaror qildik. Ochig`i, bu qo`shiq 3-4 yildan buyon repertuarga kirmayotgandi. Boisi gohida ba`zi qo`shiqlarimni repertuardan qizg`onaman. “Agar hozir ro`yxatga qo`shsam, konsert orasida boshqa qo`shiqlar bilan birga o`tib ketib qolsa-chi?” degan fikr bo`ladi. Shu bois ayrim qo`shiqlar vaqti kelibgina muxlislarga taqdim qilinadi. “Kammi?” qo`shig`ini klipi bilan taqdim qilishni istaganim uchun ham asrab yurgandim. Shuncha vaqt kutilganiga yarasha muxlislar tomonidan natija ham ijobiy bo`lishini istayman. Fursatdan foydalanib, qo`shiqning she`r muallifi Iqbol Mirzo, bastakor Fazliddin Raxmonov, klip rejissyori Mirmaqsud Oxunov, tasvirchi Muzaffar Yusupov, raqqosa Iroda Ismoilova, umuman suratga olishda mehnati singganlar va ijodiy jamoamga minnatdorchilik bildiraman! O`zbekiston xalq shoiri Iqbol Mirzoning ijodiga ilk bor murojaat qilishimiz emas. Bundan keyin ham bir qarashda sodda, lekin hayotiy, yurakning tub-tubiga etib boradigan mavzulardagi she`rlarini qo`shiq qilish istagim bor.

— Konsertda bu qo`shiqqa raqqosa Parizoda raqs tushgandi. Klipga esa raqqossa Iroda Ismoilova taklif qilinibdi?

— Bu ham xilma-xillikka harakat. Masalan, “Xay-xay” qo`shig`imni ham ikki xil talqinda muxlislarga havola qilgandik. Ba`zi muxlislar birinchi, boshqalari ikkinchi talqini yoqtiradi. Klip esa ikkinchi talqiniga suratga olingan. Shu ma`noda, konsertda raqsini Parizoda, klipda Iroda Ismoilova ijro etdi. Shaxsan o`zim Irodani ham inson, ham san`atkor sifatida juda hurmat qilaman. O`tgan yilgi kosertdan boshlab, dasturda Irodaga atab alohida chiqish ajratilgan. Va doim “Ustozlar o`tgan shu sahnada xalqimiz uchun siz bilan birga ijod qilganimdan xursandman!” deya ta`kidlayman. Chindan ham Irodaning mahoratiga tan beraman!

— Bir necha yil avval kuylangan ona haqidagi “Iltijo” qo`shig`iga ham klip suratga olindi...

— Ko`pchilik hamkasblarim fikrimga qo`shilsa kerak, klipi bilan taqdim qiladigan aksariyat qo`shiqlar konsert repetuarida qolib ketadi. Muxlislar “Yangi qo`shiq yozyapsizmi?” deb so`rashadi. Shaxsiy fikrim, qo`shiqlar yangi-eskiga emas, yaxshi-yomonga bo`linadi. Klip suratga olish uchun yangi qo`shiq bo`lish shart emas. E`tibor bersak, ona haqidagi birorta qo`shig`imga klip suratga olib, muxlislarga havola qilmagan ekanmiz. Bu holat o`zimni ham xayron qoldirardi. Lekin konsert dasturida bu mavzudagi qo`shiqlarga alohida urg`u beriladi. Muxlislardan ham iliq fikrlar eshitamiz. Shu bois muxlislarimizga do`stona eslatma sifatida Xushnud Darvesh so`zi, Nodir Umarov musiqasi bilan kuylangan aynan ona haqidagi “Iltijo” qo`shig`iga klip suratga oldik.


Alisher Fayzning “Kammi?” taronasiga klip suratga olish jarayonidan foto va video lavhalar:

 


Alisher Fayzning “Iltijo” taronasiga klip suratga olish jarayonidan foto va video lavhalar:


 

Foto va videolar muallifi Islom RO`ZIEV

Категория: Shou-Biznes yangiliklari | Просмотров: 541 | Добавил: ADMIN | Рейтинг: 0.0/0
Всего комментариев: 0
avatar
Вход на сайт
Логин:
Пароль:

Поиск

Календарь

Архив записей

Друзья сайта

Copyright MyCorp © 2018