Chorshanba, 16.01.2019, 19:39
Приветствую Вас, Гость

02:30
Alisher Usmonov Ucell’ni sotib olmoqchimi?
Alisher Usmonovga tegishli USM Holdings kompaniyasi Shvetsiyaning Telia kompaniyasi bilan O‘zbekistonda faoliyat olib boruvchi Coscom (Ucell savdo markasi ostida) kompaniyasini sotib olish bo‘yicha muzokaralar olib bormoqda. Bu haqda Qalampir.uz nashri xabar bermoqda.

USM Holdings kompaniyasi bir qancha hamkorlarni o‘zida jamlagan bo‘lib, asosiy aktivlar egasi “Metallinvest” kompaniyasi hisoblanadi. Bundan tashqari, kompaniya Rossiyada faoliyat yurituvchi “Megafon”ni ham boshqaradi.

Telia 2015 yilning oxirida o‘zining ayrim ulushlarini sotishga qaror qilgan bo‘lib, Nepal va Tojikistondagi ulushlarini sotgan edi.

Ma’lumot uchun, Coscom O‘zbekiston bozoridagi ikkinchi katta mobil aloqa operatoriga aylangan. U 9,1 mln abonentga ega. O‘zbekiston bozorida Unitel o‘zining 9,5 millionlik abonentlari bilan yetakchilik qiladi. 32 million aholisi bo‘lgan O‘zbekistonning mobil aloqa bilan qamralganlik darajasi Analysys Mason ma’lumotlariga ko‘ra 67 foizni tashkil etadi.

Avvalroq, poralar masalasida “Telia” xalqaro telekommunikatsiya kompaniyasi va uning O‘zbekistondagi filiali “Coscom” MChJ 965 million AQSh dollari miqdorida jarima to‘lashi bilan bog‘liq masala haqida xabar bergan edik.
Категория: Mobil operatorlar | Просмотров: 633 | Добавил: MASSARI | Теги: Alisher Usmonov, Ucell | Рейтинг: 0.0/0
Всего комментариев: 0
Имя *:
Email:
Подписка:1
Код *: