Seshanba, 11.12.2018, 05:22
Приветствую Вас, Гость

23:19
Avstraliyalik marafonchi Orol dengiziga yetib keldi
18-noyabr kuni ertalab avstraliyalik marafonchi xonim Guli Yemma Serafina Lindsey (Guli Mina) Nukus shahridan Orol dengizi sari yugurib ketdi. Butun dunyo bo‘ylab 100 kun ichida 100 ta marafonni amalga oshirayotgan avstraliyalik xonimning maqsadi – dunyo hamjamiyati e’tiborini suv muammosiga qaratishdir. Bu haqda O‘zA xabar bermoqda.

Stokgolmdagi Global suv hamkorligi tashkiloti hamda BMTning Taraqqiyot dasturi hamkorligida o‘tkazilayotgan “Yuz marafon, Yuz kun, Bitta sabab: Suv” sport-targ‘ibot aksiyasi butun dunyo bo‘ylab o‘tkazilmoqda. Aksiya ijrochisi Guli Minaga shifokor, oshpaz, videoperator, fotograf, ekspeditsiya rahbari hamrohlik qilmoqda. Ular O‘zbekistonda, Orolbo‘yida ushbu tadbirni 7 kun davomida amalga oshiradi.

Mazkur tadbir joriy yil 4-noyabr kuni Nyu-York shahridan boshlangan. Marafonchi har kuni 42,2 kilometr masofani yugurib o‘tadi. Orol dengizigacha bo‘lgan marafonni uyushtirishda Xalqaro Orolni qutqarish jamg‘armasi agentligi hamkorlik qilmoqda.

Aksiya ishtirokchilari marafon davomida Mo‘ynoqdagi “Kemalar qabristoni”ga tashrif buyuradi, so‘ng Uchsoy qishlog‘i orqali 160 kilometr uzoqlab ketgan G‘arbiy Orol sohillariga qaray yugurishni davom ettiradi. Qaytishda esa Mo‘ynoqdagi Daryooralig‘i suv saqlagichiga boradi. Marafonchining kelgusi safari Xitoy davlatida davom etadi.

Avstraliyalik marafonchi xonim Guli Yemma Serafina Lindsey Nukus shahrida marafon oldidan Qoraqalpog‘iston Respublikasi Jo‘qorg‘i Kengesi Raisi Musa Yerniyazov hamda Qoraqalpog‘iston Respublikasi Vazirlar Kengashi Raisining o‘rinbosari Baxitjan Sagiydullayevlar bilan uchrashdi.
Категория: O'zbekiston yangiliklari | Просмотров: 29 | Добавил: versign | Теги: Avstraliyalik marafonchi Orol dengi | Рейтинг: 0.0/0
Всего комментариев: 0
Имя *:
Email:
Подписка:1
Код *: