Главная » 2016 » Dekabr » 30 » Bayramni sehrli oqshomga aylantiring
22:05
Bayramni sehrli oqshomga aylantiring

Qadimdan qolgan urf-odatlarga ko`ra Yangi yil xursandchilik, bazm-ziyofatlar bilan qarshi olinadi. Chunki, fayzli xonadoningizga Yangi yil eshik qoqib keladigan kechani qanchalik shodonlik ila qarshi olsangiz, kelayotgan yil shu qadar omadli kechadi.

Keling, o`sha oqshomni sehrli va unutilmas kechaga aylantiraylik. Yangi yil tongi otishi bilan siz uni o`zgacha hayrat, ajoyib bir kayfiyat ila qarshi olasiz. Axir bu kunni anchadan buyon orziqib kutgansiz. Shunday emasmi? Faqat yodingizda bo`lsin, kechaning qay darajada jozibador, shodon ruhda, tula-to`kis dasturxon atrofida kechishi o`zingizga bog`liq. Eng asosiysi kecha qanday o`tishidan qat`iy nazar, u albatta sehrli va sovg`a-salomlarga boy bo`ladi.

Yangi yilni uydan chetda o`zgacha ruhda kutib olishning xilma-xil usullari mavjud bo`lsada, ko`pchiligimiz bu sehrli oqshomni oilada kutib olishni ma`qul ko`ramiz.

Ta`kidlab o`tamiz, Yangi yilni uy dasturxoni atrofida ham shohona kutib olsa bo`ladi. Sizdan faqatgina ozroq fantaziya talab etiladi xolos.

Masalan, ichiga biron bir syurpriz solib pishirilgan pishiriq barcha oila a`zolaringizga olam-olam zavq bag`ishlashi mumkin. Deylik, pishiriq ichiga yashirilgan tanga kimningdir oldidan chiqsa - u yil davomida hech qanday moliyaviy muammolarga duch kelmaydi. Atirgul yaprog`i - muhabbat, uzun makaron - uzoq umr, no`xat donasi - salomatlik, eryong`oq esa - to`y ramzi deb belgilanishi mumkin. Pishiriq albatta eb tugatiladi. Lekin u muhitga olib kirgan iliqlik hamda xursandchilik yil davomida yaqinlaringiz qalbida saqlanib qoladi.

Shuningdek, o`z yaqinlaringizga oilaviy yodgorlikni tashkil etishni taklif eting. Buning uchun zich yopiladigan biron bir idish olinib, oila a`zolaringizning har biri uning ichiga o`zining eng aziz, qadrdon narsasini soladi. (Masalan: maktabda tutiladigan xotira daftari, sevgi maktubi, suratlar, xullas idish ichiga solinadigan narsalar uzoq yillar davomida saqlana oladigan bo`lishi lozim). Oradan bir necha yillar, balkim o`n yilliklar o`tib, oila davrasida ushbu idish og`zi ochilganda uning ichidagi saqlanib qolgan narsalar har biringizni shirin xotiralar ummoniga g`arq qilib, o`sha o`tib ketgan yillar sog`inchini uyg`otishi va albatta bugungi sehrli kechani eslatishi aniq.

Ziyofat davomida biron bir musobaqa tashkil etishga erinmang. Masalan, avvaliga eng oddiy bellashuvdan boshlashingiz mumkin. Ya`ni qaysi niqob ostida kim yashiringanini topishga harakat qiling. «Mevani ol» musobaqasi: suv solingan chuqur idishga olmalar solinadi. O`yin ishtirokchilarining vazifasi - aniq belgilangan vaqt ichida (10 soniya) og`izlari bilan ko`proq meva olishlaridan iborat bo`ladi. Tabiiyki, kim ko`proq meva olsa, g`olib deb e`lon qilinadi.
Категория: Foydali maslaxatlar | Просмотров: 2099 | Добавил: ADMIN | Теги: yangi yil, Oila, SUGDIYONA | Рейтинг: 0.0/0
Всего комментариев: 0
avatar
Меню сайта
Всё для CSS
Статистика сайта
Сейчас online
Онлайн всего: 48
Гостей: 48
Пользователей: 0
Сегодня наш сайт посетили
Разделы
Статистика сайта
Сейчас online
Онлайн всего: 48
Гостей: 48
Пользователей: 0
Сегодня наш сайт посетили

Лучшая рип студия!