Главная » Новости » Qiziqarli faktlar
19:18
Benzin suvdan arzon mamlakat

Venesuela hukumati ikki yil davomida benzin narxini oshirib borib, xalqaro darajaga chiqarmoqchi. Hozircha esa bir ichgulik qahva puliga million litr benzin olish mumkin, deb yozgan «Deutsche Welle».

Venesuela 20-avgust, dushanba kunidan benzin narxini oshirishga kirishdi. Prezident Nikolas Maduroning ta’kidlashicha, shu ikki yil davomida benzinni suv tekinga qo‘lga kiritishga imkon beruvchi har qanday holatlarlar bartaraf etilishi kerak.

Shuning barobarida, hukumat o‘zining ro‘yxatga olingan tarafdorlari (moddiy imtiyozlar olishga maxsus kartalari bor kishilar), ijtimoiy ko‘makka muhtojlar va jamoat transporti korxonalarini qo‘llashda davom etadi.

Guruch, sut, yog‘ kabi oziq-ovqat mahsulotlaridan farqli o‘laroq, Venesuelada benzin taqchilligi yo‘q. Benzinning bir litri 6 bolivar turadi. Agar mahalliy valyuta yevroga o‘girilsa, bir yevroga bir stakan qahva yoki million litr benzin sotib olish mumkin.

Hukumat hisob-kitoblariga ko‘ra, har yili davlat Kolumbiya va Karib havzasining boshqa mamlakatlariga benzin noqonuniy olib chiqib ketilishidan 16 mlrd. yevro atrofida zarar ko‘ryapti. Yana ayrim sabablarga ko‘ra, Venesuelada neft sanoati ilgarigidek daromad keltirmayapti.

Hozir Venesuelada sutkasiga 1,36 million barrel neft ishlab chiqarilyapti — bu oxirgi 50 yildagi eng past ko‘rsatkich. Xalqaro bozorda esa neftining katta qismini sota olmayapti — Rossiya va Xitoydan qarzini uzyapti, qolaversa, yaqin ittifoqchisi Kubani arzon neft bilan ta’minlayapti.
Manba: chaqmoq.com   

Do'stlaringizga ulashing / Поделиться:
Категория: Qiziqarli faktlar | Просмотров: 51 | Добавил: versign | Теги: Benzin suvdan arzon mamlakat | Рейтинг: 0.0/0
Похожие Новости
Всего комментариев: 0
Имя *:
Email:
Подписка:1
Код *: