menu

14:52
Huawei’ning iPhone’dan qimmatroq turadigan flagmani fotosurati namoyish etildi

Xitoyning Huawei kompaniyasi o‘zining yangi Mate 10 flagmanini namoyish etishga tayyorlanmoqda. U Apple’ning iPhone X flagmanidan qimmatroq turishi kutilmoqda, deb xabar beradi “Korrespondent.net”.

Dastlabki ma’lumotga qaraganda, gadjet 1100 dollar turadi. Uskunaning fotosurati nufuzli insayder Evan Blass tomonidan chop etildi.

Aytilishicha, smartfon 6 dyuymli 1080×2160 yechimli displeyga, Kirin 970 protsessoriga, 6 Gb operativ va 64 Gb ichki xotiraga ega bo‘ladi. Batareya sig‘imi 4000 mA/soatni tashkil etadi.

Smartfon taqdimoti shu yilning oktabr oyida o‘tkazilishi rejalashtirilgan. U yangi iPhone’ning asosiy raqobatchisi bo‘lishi kutilmoqda.

Taxmin qilinishicha, ishlab chiqaruvchi prezentatsiya chog‘ida smartfonning NPU neyron protsessoriga ega chipiga urg‘u beradi. U obyektni va nutqni real vaqt rejimida taniydi, shuningdek, suratga olish sifatida yaxshilaydi.
Категория: Texnologiyalar | Просмотров: 825 | Добавил: versign | Рейтинг: 0.0/0
Всего комментариев: 0
Имя *:
Email:
Подписка:1
Код *: