Главная » Новости » Kino va Serial yangiliklari
02:16
Ichkarida turk serial voqealar rivoji (yakuniy qismlar) 109, 110, 111-qismlar

Jalol ota: - Menga o'yin qildilaringmi? Hammangni yo'qotaman!
U shunday deb odamlarini chaqiradi. Umutni uyga oilb kelishib, Eylemga Umutligini aytishadi. Jalolni odamlari keladi. Endi uyni o'qqa tutishmoqchi bo'lishganda politsiyachilar kelib qoladi. Ularni Sarp chaqirgan bo'ladi. Oilasini qo'riqlashlari uchun o'zlari orqa eshikdan chiqib ketishadi. Jalol odamlari bilan u yerdan ketadi. Jalol ularni o'yinlarini buzmaslik kerak deb qaror qiladi. Sarp o'z oyog'i bilan keladi deydi. Jalol ota Mertga qo'ng'iroq qilib, uyga kel ish bor deydi. Dovud nega Sarpni ukasi sizni yoningizda deb so'raydi. Jalol sababini aytadi. Uni o'z o'g'limday yaxshi ko'rardim, lekin endi bu aka-uka men bilan o'ynashyapti. Hamma ham senday sodiqmas Dovud - deydi.
Umut: - Ota nima gap o'zingizni g'alati tutyapsiz? - deydi.
Jalol endi gap boshlamoqchi bo'lganda Minik kelib Yeshim qochib ketganini aytadi. Jalolni jahli chiqadi. Yeshim o'g'liga qo'ng'iroq qiladi. Telefonni Jalol oladi:
- O'g'lingni boshqa ko'rmaysan - deydi.
Yeshim: - O'zingdan ko'r. Barcha aybingni politsiyaga borib aytaman - deydi.
Jalol qutirib ketadi. Dovudga Yeshimni topib, otib tashlashini buyuradi.
Umut: - Unday qilmang ota. Hechqachon bolani onadan ayirmang - deydi. Jalol biroz Umutga tikilib turadi.
- Unda men ham boray - deydi Umut.
Jalol: - Yo'q. Sen aralashma - deydi.
Umut Jalolni Mustafoga gapirib o'tirganini eshitib, jaxli chiqadi.
Jalol Umutga: - Sen bilan ertaga gaplashamiz - deydi.
Umut Mustafoni yoniga kirib unga:
- Senga yordam beraman. Oying bilan uchrashasan. Senga bir gap aytaman, faqat oramizda qoladi ho'pmi? - deydi.
Malakni xonasiga kirib, biroz uni o'ylab o'tiradi. So'ng Sarpga qo'ng'iroq qilib Yeshim qochganini va Jalolga tahdid qilayotganini aytadi:
- Aka, ona-bolani uchrashtiraylik. Jalol yana bir bolani onasiz qoldirmasin. Samodan yordam so'ra - deydi.
Sarp Samoga qo'ng'iroq qiladi. Samo:
- Politsiya ekaningni bilamiz. Kel nomingni oqla - deydi.
Sarp: - Yusufni qotili qo'lga tushmaguncha qaytmayman. Siz Yeshimni toping. Jalol uni o'ldirmoqchi. Qo'lida Jalolni qamatadigan dalillar bor. - deydi.
Yeshim Sarpga qo'ng'iroq qilib yordam so'raydi:
- Mustafoni olib kelmaguningcha hechnima aytmayman. - deydi.
Sarp Yeshim turgan mehmonxonaga boradi. Yeshim uni qaxvasiga dori qo'shib qo'yadi. Sarpni tuzoqqa tushurishadi. Sarp xushidan ketadi. Dovud esa uni olib ketadi.
Mert Mustafoni olib qochib ketyotganda Jalol kelib qoladi:
- Mustafoni qayerga olib ketyapsan Umut? - deydi. Mert Jalolga hayron tikilgancha qoladi.
Sarp va Mert xushsiz holda stulga bog'lab qo'yilgan bo'ladi. Yonlarida Qizilyanoq ham bor edi. Yeshim Jalolni oldiga kelib, Mustafoni so'raydi:
- Hamma aytganingni qildim. Sarpni tutib berdim. Endi menga bolamni ko'rsat. - deydi.
Jalol: - o'g'lingni boshqa ko'rmaysan. Tirik qolganingga shukur qil. Yana kelsang o'lasan! - deydi.
Yeshim esa Mustafoni ko'rishni so'rab baqirgancha qolib ketadi.
Jalol keladi. Sarp va Umut o'ziga keladi. Jalolga e'tibor bermay gaplashib o'tirishadi.
Sarp: - Ehh... Umut sen sezdirib qo'ygansan.
Qizilyanoq: - Umut kim?
Mert: - Meni ismim Umut ekan. Yo'q aka, siz biror nima qilib bildirib qo'ygansiz.
Jalolni jaxli chiqib:
- Sendan boshlayman - deb Mertni boshiga to'pponcha tiraydi.
Sarp va Mert birdan kulib yuborishadi:
- Bu kabobchi bizni o'ldirmoqchi-yu Mustafo qo'limizda ekanligini bilmaydi - deyishadi.
Mustafo esa Umutni olib ketishgach, yana qaytib devordan oshib qochgan bo'ladi. Uni Jo'shqin olib ketgan bo'ladi.
Jalol: - Minik hozir uyingizni oldida turibdi. Fusunni onangizni olib keladi. - deydi.
So'ng Jalol Minikga:
- Fusun bilan gazetachini tirik olib kel. Bulardan oladiganimni olgach, hammasini o'zim o'ldiraman! - deydi. Uy bo'sh bo'ladi. Ularni politsiyachilar olib ketgan bo'ladi. Sarp va Umut yana kulvorishadi.
- Xozir Dovudning telefoni jiringlaydi - deyishadi.
Shu payt Dovudning telefoni jiringlaydi. Qo'ng'iroq qilgan Jo'shqin edi. Jalolga Yilmazlardan birini qo'yib yuborish evaziga Mustafoni olishini aytadi. Jalol Mertni qo'yib yuborishadi. Yeshim o'g'lini yoniga keladi, so'ng Jo'shqinga:
- Nega menga yordam beryapsan? Kimsan? - deydi.
Jo'shqin: - Men emas, Yilmazlar yordam berishdi. - deydi.
Jalol Mertni yoniga GPS qo'ygan bo'ladi. Dovud esa uni kuzatib ketadi. Dovuq bir joyga boradi. Va u yerdan faqat GPSni o'zini topadi. So'ng Dovuq Jalolga qo'ng'iroq qilib:
- Mert bizni chalg'itibdi ota - deydi.
Jalol yana bitta uzatgich qo'ygan bo'ladi. Mert Jo'shqin bilan Mustafoni oldiga boradi. Jalol Sarpni olib, o'sha yerga boradi. Yana Mertni ushlab, Mustafoni olib ketishlarini aytadi. Mert Jalolni xiyla bilan gapirtiradi:
- Ko'stenjelini ko'mdim... Yusuf Mudirni ham ko'mdim... Qudratni ham ko'mdim... Endi esa ikkalangga navbat.
Ushbu gaplarni hammasini tashqarida politsiya tinglab turadi va ushbu gaplar audiotasmaga yozib olinadi. Komandir hammaga ichkariga kirishini buyuradi. Maxsus guruh hamda politsiyachilar ichkariga kirib borishadi.
Jalol Sarpni otmoqchi bo'lganda to'pponchasi o'qsiz bo'ladi. O'qlarni esa to'pponchani berish chog'ida Qizilyanoq olib qo'ygan bo'ladi. Ularni politsiyachilar o'rab oladi. Komandir Jalol qo'lga tushgach, Sarpga kishanni beradi va:
- Sen taq. Bunga eng ko'p sen xaqlisan - deydi. Sarp Jalolning qo'llariga kishanni taqadi.
Sarp: - Men bu damlar uchun bir yil xibsda o'tirdim. Bu damlar uchun onam qancha ko'z yosh to'kdi. Bu damlar uchun Yusuf Mudir qurbon bo'ldi - deydi va so'ng bor ovozi bilan baqiradi:
- Yusuf Mudir eshityapsizmi? Uddaladim. Jalolni qo'lga oldik. Uni taslim qildik...
DAVOMI BOR...
Muxriddin Shermuhammedov tayyorladi

Do'stlaringizga ulashing / Поделиться:
Категория: Kino va Serial yangiliklari | Просмотров: 364 | Добавил: MASSARI | Теги: Voqealar rivoji, Ichkarida | Рейтинг: 0.0/0
Похожие Новости
Всего комментариев: 0
Имя *:
Email:
Подписка:1
Код *: