Seshanba, 11.12.2018, 05:15
Приветствую Вас, Гость

10:32
IIBB: Toshkent aholisi 523 mln so‘mlik qoidabuzarlik aks etgan foto va video material yubordi
IIBB poytaxt aholisi yuborgan yo‘l harakati qoidabuzarliklari aks etgan foto va videolarga asosan haydovchilardan 523 million so‘m jarima undirdi. Bu haqda “Podrobno.uz” xabar berdi.

Jarimalarning asosiy qismi qarama-qarshi yo‘nalish bo‘ylab harakatlanganlik uchun — 325,5 million so‘m, svetoforning taqiqlovchi chirog‘ida harakatlanish — 101,6 million so‘m, taqiqlangan joyda to‘xtash — 45,9 million so‘m, avariya holatini keltirib chiqarish — 12 million so‘m, piyodalarga yo‘l bermaslik — 5,4 million so‘mni tashkil qildi.

Eslatib o‘tamiz, @iibb_bot Telegram-boti joriy yilning aprel oyida yo‘lga qo‘yilgandi.

Unda avtorizatsiyadan o‘tish telefon raqamni kiritish, o‘zbek yoki rus tilini, yashash joyi va hodisa joyini tanlash lozim.

Shundan so‘ng IIBB faoliyatiga qarashli migratsiya xizmati va fuqarolikni rasmiylashtirish, profilaktika inspektorlari va boshqa xizmatlar bo‘yicha xabarga audio, video yoki suratni biriktirib murojaat yuborish mumkin.

Eslatib o‘tamiz, O‘zbekistonda 2019-yilning 1-iyulidan Yo‘l harakati qoidabuzarligi bo‘yicha videoyozuvlar taqdim etgan shaxsga pul mukofoti berish tartibi joriy etiladi.

Mukofot puli eng kam ish haqining besh foizini tashkil qiladi va u qoidabuzarning jarimasidan undiriladi. Videoyozuv taqdim etgan shaxs haqidagi ma’lumotlar oshkor qilinmaydi.
Категория: O'zbekiston yangiliklari | Просмотров: 16 | Добавил: versign | Теги: IIBB: Toshkent aholisi 523 mln so‘m | Рейтинг: 0.0/0
Всего комментариев: 0
Имя *:
Email:
Подписка:1
Код *: