Chorshanba, 12.12.2018, 10:33
Приветствую Вас, Гость

23:18
Jizzaxda hokimlik binosida elektr energiyasidan noqonuniy foydalanib kelingani aniqlandi
MIB Jizzax shahar bo‘limi tezkor xodimlari tomonidan shaharning Sayiljoyi mahallasi, Sharof Rashidov shohko‘chasida joylashgan Jizzax viloyat hokimlik uyidan foydalanish boshqarmasiga tegishli bino ko‘zdan kechirildi. Bu haqda “Daryo”ga MIB matbuot xizmati ma’lum qildi.

Ushbu jarayonda mazkur boshqarma rahbari F.U. bino tomonidan iste’mol qilingan elektr energiyasini hisoblash uskunasi ko‘rsatkichini sun’iy ravishda to‘xtatish maqsadida tok transformatorlariga kelgan uch dona simni uzib, elektr energiyasidan noqonuniy ravishda foydalanib kelganligi oqibatida elektr ta’minoti korxonasi manfaatiga 122 million 845 ming so‘m miqdorda zarar yetkazganligi aniqlandi.

Mansabdor shaxs ushbu harakatlari bilan Jinoyat kodeksining 185-2-moddasi 4-qismidagi jinoyatni sodir etgan.

Boshqarma rahbari qilgan ishidan pushaymon ekanligini bildirib, 30 kunlik muddat ichida yetkazilgan moddiy zararning o‘rnini qoplagani hamda jinoyat oqibatlarini bartaraf etganligi uchun jinoyat ishi qo‘zg‘atishlik rad etildi.
Категория: O'zbekiston yangiliklari | Просмотров: 27 | Добавил: versign | Теги: Jizzaxda hokimlik binosida elektr e | Рейтинг: 0.0/0
Всего комментариев: 0
Имя *:
Email:
Подписка:1
Код *: