Логин:
Пароль:
Главная » O'zbekiston yangiliklari
18:43
Jizzaxlik fuqaro onlayn-auksionda “chiroyli” avtoraqamning birinchi xaridoriga aylandi

2017-yilning 14-sentabri soat 15:24 da O‘zbekiston respublika tovar-xomashyo birjasining axborot tizimida avtoraqamni sotish bo‘yicha birinchi bitim tuzildi. Elektron savdolar yakuniga ko‘ra Jizzax viloyatida ro‘yxatdan o‘tkazilgan (25) E 070 EA avtomobil raqami 7 563 637,5 so‘mga sotildi. Lotning boshlang‘ich narxi 7 488 750 so‘mni tashkil etadi. Bu haqda “O‘zRTXB” AJ Matbuot xizmati xabar berdi.

O‘zbekiston Respublikasi Vazirlar Mahkamasining 2017-yil 31-avgustdagi 683-sonli qarori bilan tasdiqlangan “Jismoniy va yuridik shaxslarga avtotransport vositalari uchun ro‘yxatdan o‘tkazish davlat raqami belgilarini oshirilgan to‘lov stavkalari bo‘yicha berishda “O‘zbekiston Respublika tovar-xomashyo birjasi” AJ axborot tizimida auksion o‘tkazish tartibi to‘g‘risida Nizom”ga muvofiq savdo g‘olibi 5 kun mobaynida tuzilgan bitim bo‘yicha moliyaviy majburiyatlarni to‘liq qoplashi va keyingi 10 kun davomida raqamni O‘zbekiston Respublikasi IIV YHXBB bo‘linmasida rasmiylashtirishi lozim.

Ayni paytda birjaning avtoraqam.uzex.uz savdo tizimida 841 ta avtotransport vositalari uchun ro‘yxatdan o‘tkazish davlat raqami belgilari, shu jumladan 635 ta – jismoniy shaxslar va 206 ta – yuridik shaxslar uchun qo‘yilgan. Auksionga qo‘yilayotgan respublikamizning barcha hududlarining avtoraqamlarini soni kundan kunga ortib bormoqda.

Eslatib o‘tamiz, auksionlarni yakunlanlash muddati sotuvchining talabnomasi qo‘yilgan paytdan boshlab eng kamida uch ish kunini tashkil etadi.
Категория: O'zbekiston yangiliklari | Просмотров: 146 | Добавил: versign | Рейтинг: 0.0/0
Всего комментариев: 0
avatar
Statok.net
waplog
Яндекс.Метрика

CHAQMOQ.COM © 2016-2017. Использовании дизайн u-torrentino

POWERED BY MASSARI.