Наши партнеры
Наши партнеры
Наши партнеры
Наши партнеры
Главная » 2017 » Yanvar » 9 » Kompyuterdan himoyalanish choralari: afsonami yoki haqiqat?
15:32
Kompyuterdan himoyalanish choralari: afsonami yoki haqiqat?

«Uzoq vaqt kompyuterdan foydalanish organizmga zarar! Maxsus ko`zoynak taqing!» Aslida ham shundaymi? Yoki shu bilan o`zimizni o`zimiz aldaymizmi? Keling, zamonaviy dastyorimiz haqidagi afsonalarga oydinlik kiritamiz.



«KAKTUS –  MONITOR OLDIDA TURIShI ShART!»



Agar bu o`simlikka mehringiz bo`lakcha bo`lsa, bemalol. Ammo komyuter nurlanishiga qarshi hech qanday ta`siri yo`q. Agar uning zig`ircha bo`lsa ham foydasi bo`lganida, kaktus vatani bo`lmish Meksikada radarlar bilan muammo bo`lar edi. Lekin kompyuter va televizor yonida turgan kaktus gulining tezroq o`sishi bor haqiqat.



Kompyuter o`zidan radiasiyali havo tarqatadi. Ana shu havoni tozalashda archa daraxti yordam beradi. Agar archa daraxtining yonginasida o`tirib, kompyuterda ishlash imkoningiz bo`lsa, foydadan holi bo`lmaydi.



«HOMILADORLIKDA ZARAR!»



Homiladorlik davrida oddiy kompyuter bo`ladimi yoki «notebook»mi, homila rivojlanishiga ta`siri bor. Chunki qurilmadan foydalanishda ayol uni o`ziga yaqin joylashtirib, qorin sohasiga yaqin tutadi.  Bo`lajak onalar birinchi uch oylikda kompyuter, telefon va boshqa texnika qurilmalaridan nariroq bo`lganlari ma`qul. Agar ish faoliyatingiz komyuter bilan bog`liq bo`lsa, har soatda kichik tanaffus uyushtirib, tanangizga dam bering.



«KO`ZOYNAK HIMOYaLAYDI!»



Ko`zoynak va linzalar ma`lum darajada himoya qiloladi, lekin butunlay emas, qisman xolos. Ko`z nurini himoya qilishda tabiiy surmaning foydasi bor. Ayniqsa kompyuterda ishlayotgan vaqtingiz ko`zingiz yoshlanib ketaversa, tabiiy surma surtib olish ayni muddao. Ko`zoynak taqishdan avval ham surma surtib olish mumkin. Bundan tashqari kompyuterda ishlayotganda vaqti-vaqti bilan ko`z uchun maxsus mashqlarni bajarsangiz foydadan holi bo`lmaydi. Buning uchun, 3-5 soniya ko`zni ochib-yoping. O`ngga, chapga, yuqoriga va pastga qaratib qorachiqlaringizni o`ynating. Ekranga qaramay har yarim soatda 3 soniya ko`zingizni yumib turing. Tez-tez uzoqroqqa qarang.



«MAXSUS QOPLAMA XAVFDAN XOLI ETADI!»



Kompyuter manitori ustiga qo`yiladigan qoplama undan chiqayotgan zarardan himoyalaydimi? Agar noto`g`ri joylashib o`tirgan bo`lsangiz, ko`zlaringiz qizarishi, qurishi, yana qichishishi yoki yoshlanishi ham ehtimoldan xoli emas. Yoki manitor sizga haddan ortiq yaqin bo`lsa, ma`lum muddatdan so`ng ko`zlaringiz og`rishi va bu og`riq boshingizga ham tarqashi mumkin. Ishlashga qulay bo`lishi uchun manitorni o`zingizdan kamida 50 sm uzoqroqqa joylashtiring.



«QORONG`U XONADA IShLASA BO`LADI!»



Xona yorug`ligi etarli darajada bo`lmasa yoki umuman chiroqni o`chirib ishlaydiganlardan bo`lsangiz, ko`zlaringizga katta zarar qilayapsiz. Ekranni deraza tomonga qaratib qo`yib ishlash ham ziyon. Qorong`u xonada ishlash organizmga zarar etkazadi.



«HAMIShA YoNIQ TURSA, NIMA QILIBDI?»



Kompyuter yoqilgan holatda turaversa-yu, unga qaramasangiz va ishlamasangiz, sog`lig`ingizga zarari yo`q, deb o`ylamang. Undan chiqayotgan elektromagnit nurlarining zarari uzoqqa ham ta`sir qilaveradi. Kompyuterdan foydalanmayotgan bo`lsangiz, uni o`chirib qo`ying yoki uyqu rejimiga o`tkazing. Shunda u o`zidan kamroq havfli nurlar taratadi.



KAMOLA tayyorladi.


Категория: Foydali maslaxatlar | Просмотров: 299 | Добавил: MAVRIK | Теги: Kompyuterdan himoyalanish choralari | Рейтинг: 0.0/0
Всего комментариев: 0
avatar
Статистика сайта
Сейчас online
Онлайн всего: 126
Гостей: 126
Пользователей: 0
Сегодня наш сайт посетили

Лучшая рип студия!