Меню Сайта
Онлайн Мини Чат
Статистика сайта
Онлайн всего: 114
Гостей: 114
Пользователей: 0
Фотогалерея
Главная » 2016 » Noyabr » 29 » “Mabodo tirik qolsang, seni yaxshi ko`rishimni unutma!”
16:45
“Mabodo tirik qolsang, seni yaxshi ko`rishimni unutma!”
Yaponiyada ro`y bergan zilziladan so`ng qutqaruvchilar vayronaga aylangan uylardan birining tirqishidan qarab, ayol kishining tanasini ko`rishdi, deb xabar qildi “Rrostoudivitelno.ru” nashri.

U tiz cho`kib, xuddi iltijo qilayotganday, qo`lidagi nimanidir bag`riga bosib, g`alati alfozda turardi. Vayrona bo`laklari uning elkasi va boshiga kelib tushgandi.

Qutqaruvchilar qiyinchilik bilan tuynukni kengaytirib, ayolni olib chiqishga harakat qilishdi. Ular ayolni tirik bo`lsa kerak, degan xayolga borishdi. Ammo uning muzlashga ulgurgan tanasi halok bo`lganidan darak berib turardi. Shunda qutqaruvchilardan biri diqqat bilan razm solib, ayolning qo`lida bola borligini ko`rib qoldi va hayratdan “Bola! Uni qutqarish kerak!” deb qichqirib yubordi.

Barcha qutqaruvchilar guruhi ayolni bosib qolgan vayronalardan tozalashga kirishdi va ayol uch oylik chaqaloqni qutqarish maqsadida gavdasi bilan pana qilib, halok bo`lganiga guvoh bo`lishdi. Qutqaruvchilar chaqaloqni qo`lga olganda, u hech nimadan xabarsiz, pishillab uxlab yotardi. Bola o`ralgan adyol ochib ko`rilganda, ichida uyali aloqa telefoni yotardi. Unda “Mabodo tirik qolsang, seni yaxshi ko`rishimni unutma!” degan matnli xabar yozilgandi. Telefon qutqaruvchilar orasida qo`lma-qo`l bo`ldi.

Ona muhabbati ulkan ishlarga qodir...
Категория: Dunyo | Просмотров: 1061 | Добавил: ADMIN | Теги: telefon, Muhabbat, zilzila, Ona, Ona va bola | Рейтинг: 0.0/0
Всего комментариев: 0
avatar
Реклама
Новости
Саундтреки
CHAQMOQ.COM © 2016-2017Конструктор сайтов - uCoz | Statok.net waplog