Seshanba, 23.07.2019, 14:23
Приветствую Вас, Гость

00:51
Munajjimlar bashorati: 9 fevral kuni yulduzlar sizga nimalarni va’da qilmoqda?
QO‘Y (21. 03 — 20. 04)
Oila qurishga ulgurmaganlarni bugun romantik uchrashuv kutib turadi. Bu uchrashuv shaxsiy hayotingizga kuchli ta’sir o‘tkazishi kutiladi. Basharti oilali bo‘lsangiz-u, xuddi shunday romantik uchrashuvni boshdan kechirish lozim bo‘lib qolsa, darrov o‘zingizni olib qoching. Ijodkorlar 9 fevral kuni kuchli emotsiya ta’siriga tushgan holda ajoyib asarlarni yaratishlari kutilmoqda. Moliyaviy masaladagi muammolaringiz o‘ta jiddiy. Uni yolg‘iz o‘zingiz uddalay bilmaysiz. Badavlatroq tanishlarni ishga solishingiz kerak bo‘ladi.

BUZOQ (21. 04 — 21. 05)
9 fevral kuni sizga ancha og‘ir bo‘lishi mumkin. Demak, ish bitirishda hali hech kimga ma’lum bo‘lmagan qirralaringizni ochib, ular ko‘magida og‘ir vaziyatlardan chiqishingizga to‘g‘ri keladi. Lekin ish o‘zingiz uchun qiziqarli tuyulmasa, uni ado etishdan voz kecha qoling. Naf beradigan, qiziqtiradigan ishlar ko‘p. Yaxshisi, qo‘shimcha daromad keltiruvchi ish qidiring. Tashqi ko‘rinishga o‘zgartish kiritish bugun muvaffaqiyatli kechadi. Kechqurun sport bilan shug‘ullaning.

EGIZAKLAR (22. 05 — 21. 06)
9 fevralda omadning eng yuqori pillapoyasini band etishingiz kutiladi. Martabangiz ham kun davomida sezilarli tarzda yuqorilab boradi. Kunning ikkinchi yarmida bir odam bilan tanishishingiz mumkin. U sizdan shaxsiy manfaatlari yo‘lida foydalanishni mo‘ljallagan. Sergak turing. Oilada zimmangizdagi majburiyatlaringizni hech qachon unutib qo‘ymang. Aks holda juftingizni qattiq ranjitib qo‘yishingiz mumkin.

QISQIChBAQA (22. 06 — 23. 07)
Kuningiz xotirjamlikda va yoqimli kechishi kutilmoqda. Dunyoga boqing, hayotingizdan zavqlaning. Sevimli xobbingiz bilan band bo‘ling. Moddiy ahvolingiz ham ko‘ngildagidek kechadi. Muhabbatda garmoniya sizni kun mobaynida qurshab turishiga guvoh bo‘lasiz. Shaxsiy hayotda esa qaysarlik odatingizni chetga sura turing. Juftingizdan ilojsiz narsani, harakatlarni talab qilmang. Asablarni asrang.

ARSLON (24. 07 — 23. 08)
9 fevral kuni ishxonangizdagi vaziyatni chuqur o‘rgangan holda harakatlar sodir eting. Rahbarlar sizning zimmangizga o‘ta mas’uliyatli vazifani yuklashlari mumkin. Aniqrog‘i, siz yangi va kelgusida jamoa uchun naf keltira oladigan loyiha ustida bosh qotirishingiz kerak bo‘ladi. Bu ishni muvaffaqiyatli yakunlasangiz, lavozimdan ham, martabadan ham umid qilaversangiz bo‘ladi. Salomatligingizni nihoyatda ehtiyot qiling.

PARIZOD (24. 08 — 23. 09)
Bugun sizni har tarafdan qo‘llab-quvvatlovchilar ko‘p bo‘ladi. Demak, mayda-chuyda tashvishlarni deb xavotir chekmasangiz ham bo‘ladi. Muhabbatda sizni kutilmagan sovg‘a kutadi. Oila qurmagan bo‘lsangiz, siz uchun qimmatli bir inson birgalikdagi hayotni taklif etadi. Aniqrog‘i, muhabbatini izhor etadi. Kechqurun ba’zi do‘stlarimizni migren yoki shamollash bezovta qilishi mumkin. Toza havoda sayr qilishni unutmang. Ovqatlanishda me’yorni biling.

TAROZI (24. 09 — 23. 10)
9 fevralda kasbingiz doirasida ko‘proq bilimga ega bo‘lish uchun harakat qiling. Keyin esa o‘zingizga nisbatan tajribasi kamroqlarga ish o‘rgating. Moliyaviy muammolar ijobiy hal bo‘lishi uchun yetarlicha axborot yig‘ishingiz kerak bo‘ladi. Axborotlar kelgusida moddiy baza yaratish masalasida bo‘lishi haqiqatga yaqinroq. Bugun olis safarga chiqish, ish yuzasidan kelishuvlar va ommaviy tadbirlar muvaffaqiyatli kechadi. Uxlashga yotishdan oldin albatta sut mahsulotlari iste’mol qiling.

ChAYoN (24. 10 — 22. 11)
Ishdagi eng muhim hisoblangan yumushlarni puxta reja asosida amalga oshiring. Bir joyda o‘tirib qolmang. Bu ishga ham, salomatlikka ham salbiy ta’sir ko‘rsatadi. O‘zingiz qattiq hurmat qiladiganlarning maslahatlariga albatta quloq tuting. Bugun oila qurish, taqdir bilan bog‘liq rejalar tuzish va xudodan farzand tilash xayrli kechadi inshoolloh. Kun davomida faqat o‘zingizga yoqqan ishlar bilan band bo‘ling. Salomatlikni ehtiyot qiling.

O‘QOTAR (23. 11 — 21. 12)
9 fevral kuni barcha ishlarni uddalashga ulgura olmasligingiz mumkin. Hechqisi yo‘q. Xudoning kuni ko‘p. Qolaversa, boriga shukr qilish biz bandalarning asosiy vazifasidir. Shaxsiy hayotda chiqaradigan muhim qarorlaringiz qarindoshlaringizni ranjitishi mumkin. Lekin tashvishga o‘rin yo‘q. Har bir qadamni o‘ylab bossangiz, six ham, kabob ham kuymaydi. Kechki payt oilaviy bayram yoki katta shaharlardan biriga borish doirasida yirik xaridlarga qo‘l urishingiz kutiladi.

TOG‘ EChKISI (22. 12 — 20. 01)
Bugun nafaqat internet, balki yaqin qondoshlarning biridan ham o‘zingiz uchun qimmatli maslahatlarni olasiz. Agar yaqin kelajakda yuqori lavozim egallash istagida bo‘lsangiz, bilimlaringizni aniq manzilga yo‘naltiring. Muhabbatda sal ochiqroq bo‘ling. Aks holda juftingizni qattiq ranjitib qo‘yishingiz hech gap emas. Xudo ko‘rsatmasin, bu ranjitish ayriliq bilan tugashi mumkin. Kechqurun toza havoda sayr qiling. Xudodan faqat yaxshiliklar tilang. Inshoolloh ijobat bo‘ladi.

QOVG‘A (21. 01 — 19. 02)
9 fevralda sevimli xobbingiz haqiqiy daromad manbaiga aylanib ketish ehtimoli sezilmoqda. Bu jarayon shu qadar tez sodir bo‘ladiki, kiprik qoqishga ulgurmay qolishingiz mumkin. Ammo ishlab turgan ishingizdan shu manbani deb voz kechmang. Daraxt bir joyda ko‘karadi. Shaxsiy hayotda muloyim va kamsuqum bo‘ling. Juftingizni asrang, asablarni avaylang. Omadingizni bersin!

BALIQ (20. 02 — 20. 03)
Afsuski, bugungi kuningiz kutilganidek baxtli, omadli, yorqin kechmasligi mumkin. Bunga ro‘zg‘ordagi jiddiy muammolar xalal beradi. Moliyaviy masalada ham yoqimli lahzalar ko‘zga tashlanmaydi. Qarz ko‘tarishingizga to‘g‘ri keladi. Qachonlardir siz bilan bir yostiqqa bosh qo‘ygan odam aynan 9 fevral kuni katta janjal chiqarishni rejalashtirgan bo‘lishi mumkin. Ehtiyot bo‘ling. Kechqurun barcha katta-kichik ko‘ngilsizliklar barham topadi. Siz yaqin insoningiz bilan istirohat lahzalarini boshdan kechira boshlaysiz.
Категория: Munajjimlar bashorati 2017, 2018 | Просмотров: 735 | Добавил: MASSARI | Теги: Munajjimlar bashorati | Рейтинг: 0.0/0
Всего комментариев: 0
Имя *:
Email:
Подписка:1
Код *: