Логин:
Пароль:
Главная » Mobil operatorlar
18:00
O'zbekiston mobil operatorlari uchun yangi qoidalar: aynan nimalar uchun pul to'lanadi?

O'zbekistonda mobil operatorlar tomonidan ko'rsatiladigan bepul xizmatlar ro'yxati aniqlandi. Ro'yxat O'zbekiston Respublikasi normativ huquqiy hujjatlarning muhokamasi portalida e`lon qilingan operatorlar uchun yangi qoidalarda taqdim etilgan.

Operator tomonidan ko'rsatiladigan bepul xizmatlarga quyidagilar kiradi:

1) operator tomonidan taqdim etiladigan mobil aloqa xizmatlari to'g'risida axborot berish;
2) operatorning mobil aloqa tarmog'ining xizmat ko'rsatish zonasi to'g'risida axborot berish;
3) mobil aloqa xizmatlariga tariflar to'g'risida axborot berish;
4) abonent shaxsiy hisob raqamining holati to'g'risida axborot berish;
5) bepul ko'rsatiladigan axborot-ma`lumot xizmatlari to'g'risida axborot berish;
6) operator va uning filiallarining rekvizitlari, joylashgan o'rni va ish tartibi to'g'risida axborot berish;
7) abonentdan texnik nosozliklar, SIM-karta yoki abonent qurilmasi yo'qolganligi (SIM-kartadan foydalanish ko'zda tutilmagan mobil aloqa standartlari uchun), abonentning shaxsiy ma`lumotlari o'zgarganligi to'g'risidagi axborotni qabul qilish;
8) mobil aloqa tarmoqlarida abonent qurilmasidan foydalanish imkoniyati to'g'risida axborot berish.

Bepul axborot-ma`lumot xizmatlarining ro'yxati operator tomonidan mustaqil kengaytirilishi mumkin.

Operator o'z abonentlariga bepul asosda telefon qo'ng'irog'i orqali bepul axborot-ma`lumot xizmatlaridan foydalanishni ta`minlashi kerak. Operator pullik axborot-ma`lumot xizmatlarining ro'yxatini mustaqil ravishda belgilaydi.

Operator taqdim etiladigan xizmatlar, ularni taqdim etish va mobil aloqa xizmatlaridan foydalanish tartibi, ushbu xizmatlarga tariflar, mobil aloqadan foydalanishda cheklanishlar to'g'risida abonentlarni, shuningdek mobil aloqa xizmatlarini ko'rsatish uchun shartnomani tuzish istagi bo'lgan jismoniy va yuridik shaxslarni xabardor qilishga majbur.

Xizmatlarning pullik ekanligi to'g'risida abonentlarni oldindan xabardor qilmasdan ayrim pullik xizmatlar uchun to'lov undirilgan holda ushbu xatti-harakat ko'rsatilmagan xizmatlar uchun undirilgan to'lovga tenglashtiriladi
Категория: Mobil operatorlar | Просмотров: 862 | Добавил: ADMIN | Теги: mobil operator, qoida | Рейтинг: 5.0/2
Всего комментариев: 0
avatar
Statok.net
waplog
Яндекс.Метрика

CHAQMOQ.COM © 2016-2017. Использовании дизайн u-torrentino

POWERED BY MASSARI.