Меню Сайта
Онлайн Мини Чат
Статистика сайта
Онлайн всего: 85
Гостей: 85
Пользователей: 0
Фотогалерея
Главная » Mahalliy » ​O`zbekistonda 3D o`lchamli kitoblar chop etilmoqda
18:14
​O`zbekistonda 3D o`lchamli kitoblar chop etilmoqda
Mamlakatimizda yoshlarning kitobga bo`lgan e`tibori, mutolaa madaniyatini oshirish borasida “O`zbekiston matbuoti” milliy forumi va ko`rgazmasi, uning doirasida “Bolalar adabiyoti” ko`rgazmasi, “Adabiyotga e`tibor – ma`naviyatga, kelajakka e`tibor” shiori ostida “Kitob bayrami” tadbirlari va “Kitob – millatning bebaho ma`naviy va madaniy merosi” mavzuidagi ilmiy-amaliy konferensiya, “Sog`lom va ma`naviy etuk avlod – yurt kelajagi!” shiori ostida “Bolalar kitobi” festivallari an`anaviy o`tkazilmoqda, deb yozadi O`zA.

Noshirlik va kitob mahsulotlarini o`quvchilarga o`z vaqtida, arzon narxlarda etkazib berish maqsadida yangi kitob do`konlari tashkil etilmoqda. Qoraqalpog`iston Respublikasi, viloyatlar markazlari va Toshkent shahrida faoliyat ko`rsatayotgan “Kitob olami” ma`naviy-ma`rifiy savdo majmualari yoshlarning sevimli maskaniga aylangan. Kelgusida bu kabi majmualar har bir tumanda ishga tushadi.

Ma`lumotlarga ko`ra, mamlakatimizda 1755 matbaa korxonasi va bo`limlari, 122 nashriyot faoliyat ko`rsatmoqda. Ular tomonidan yiliga 4 mingdan ziyod nomdagi, umumiy adadi qariyb 50 million nusxaga yaqin kitob nashr etilmoqda. Noshirlik mahsulotlarining 1 ming nomdan ziyodi bolalar adabiyotiga tegishli. O`zbek va jahon adabiyoti, mutafakkirlar hayoti va faoliyati, ajdodlarimizning ma`naviy jasorati, qahramonliklariga bag`ishlangan bu asarlarni istagan kitob do`konidan topish mumkin.

Yaqindan mamlakatimizda innovasion texnologiya asosida 3D o`lchamli kitoblar ham chop etila boshlandi. Bu loyiha O`zbekiston matbuot va axborot agentligining G`afur G`ulom nomidagi nashriyot-matbaa ijodiy uyi va “Colar Technology” mas`uliyati cheklangan jamiyati tomonidan amalga oshirilgan bo`lib, noshirlik sohasida yangilikdir. Bu loyiha dunyoning sanoqli mamlakatlari tajribasidan o`tgan.

Buyurtma asosida kitob do`konlariga etkazib berilayotgan bu noshirlik mahsuloti bolalarni kitob dunyosiga etaklashda o`ziga xos xususiyatga ega. O`zbek, rus va ingliz tillarida bo`lgan 3D o`lchamli kitob xarid qilingandan so`ng uyali telefonda maxsus dastur yuklab olinadi. Dasturdagi skretch-kod faollashtirilib, kitobdagi rasmlarni ehtiyotlik bilan konturlardan chetga chiqmasdan bo`yash lozim. Undan so`ng tasvir ustiga smartfon yoki planshetni olib borasiz. Shu ondayoq monitorda bo`yalgan rasm harakatlanib, so`zlashga tushadi. Jonlangan rasm bilan suratga tushib, tayyor fotoni elektron jo`natish mumkin. Hozir bu kabi kitoblar “Bizning kasblarimiz”, “Hayvonot olamida” va “Sevimli qahramonlar” kabi ruknlarda tayyorlanmoqda. “O`zbek xalq ertaklari” rukni ostida ham bu kabi innovasion noshirlik mahsulotini yaratish ustida ish olib borilmoqda.
Категория: Mahalliy | Просмотров: 174 | Добавил: ADMIN | Теги: Ozbekiston, kitob | Рейтинг: 0.0/0
Всего комментариев: 0
avatar
CHAQMOQ.COM © 2016-2017 | Statok.net waplog Яндекс.Метрика