Seshanba, 11.12.2018, 05:56
Приветствую Вас, Гость

23:19
O‘zbekistonda Hindistonning Lava brendi ostida mobil telefon ishlab chiqarilishi mumkin
Yaqinda Dehli shahrida bo‘lib o‘tgan Hindiston-O‘zbekiston biznes-forumida “O‘zeltexsanoat” aksiyadorlik kompaniyasi va uning tarkibiga kiruvchi korxonalar vakillaridan iborat delegatsiya hindistonlik investorlar bilan o‘zaro manfaatli kelishuvlarga erishgan edi, deb yozadi O‘zA.

“O‘zeltexsanoat” aksiyadorlik kompaniyasi axborot xizmatidan ma’lum qilishlaricha, o‘tgan davrda chet ellik investorlar bilan doimiy ravishda amaliy muloqot va muzokaralar olib borilgan. Xususan, bu safar hindistonlik tadbirkorlar “O‘zeltexsanoat” aksiyadorlik kompaniyasida bo‘lib, yurtimizning elektrotexnika sanoati sohasidagi yutuqlari bilan yaqindan tanishdi.

Hindistonning mashhur Lava kompaniyasi vakillarining respublikaga tashrifidan maqsad – O‘zbekiston bozorini har tomonlama o‘rganish, tegishli vazirlik va idoralar rahbarlari bilan muzokaralar olib borish, xorijlik investorlar uchun yaratilayotgan qulay shart-sharoit va imtiyozlar bilan yaqindan tanishish hamda bu orqali yaqin kelajakda yangi investitsiya loyihalarini yurtimizga tatbiq etishdan iboratdir.

Lava brendi ostida mobil telefonlar ishlab chiqaruvchi korxona vakillari yaqin kelajakda O‘zbekiston bilan elektrotexnika sanoati sohasida amaliy hamkorlik qilishdan manfaatdor ekanligini ma’lum qildi. Shuningdek, mazkur kompaniya ishlab chiqargan mahsulotlarning taqdimoti o‘tkazildi.

Aytish joizki, Lava brendi nafaqat Hindiston, balki xorij bozorlarida ham o‘z o‘rniga ega. Bu yerda ishlab chiqarilayotgan telefon, planshet, noutbuk kabi elektrotexnika mahsulotlari yuqori sifati, o‘ziga xos dizayni bilan ajralib turadi. Chunki yangi mahsulotlar tashqi ko‘rinishi ustida kompaniyaning 30 mingdan ortiq mutaxassislari izlanishlar olib boradi.

Albatta, mazkur hamkorlikning yo‘lga qo‘yilishida Prezident Shavkat Mirziyoyevning joriy yil 30-sentabr – 1-oktabr kunlari Hindistonga davlat tashrifi chog‘ida erishilgan kelishuvlarning ahamiyati beqiyos. Zero, mazkur tashrif O‘zbekiston bilan Hindiston o‘rtasidagi hamkorlikni amaliy mazmun bilan boyitib, strategik sheriklikni yangi bosqichga olib chiqdi.
Категория: Texnologiyalar | Просмотров: 23 | Добавил: versign | Теги: O‘zbekistonda Hindistonning Lava br | Рейтинг: 0.0/0
Всего комментариев: 0
Имя *:
Email:
Подписка:1
Код *: