Seshanba, 11.12.2018, 05:15
Приветствую Вас, Гость

19:18
O‘zbekistonda pillachilik tarmog‘i jadal rivojlantiriladi
O‘zbekiston Prezidentining “Respublikada pillachilik tarmog‘ini jadal rivojlantirishni qo‘llab-quvvatlashga doir qo‘shimcha chora-tadbirlar to‘g‘risida”gi qarorini O‘zA e’lon qildi.

Hujjat yangi intensiv tutzorlar va tut qatorlari barpo etishni rag‘batlantirish, tarmoqqa to‘g‘ridan-to‘g‘ri xorijiy investitsiyalar jalb qilish, ilg‘or texnologiyalar, innovatsion g‘oyalar, ilmiy ishlanmalar va ilm-fan yutuqlarini keng joriy etish, pilla xom ashyosini chuqur qayta ishlash, yuqori qo‘shilgan qiymatga ega bo‘lgan raqobatbardosh tayyor ipak mahsulotlari ishlab chiqarishni va ularning turlarini ko‘paytirishni yanada qo‘llab-quvvatlash maqsadida qabul qilindi.

Ta’kidlanishicha, O‘zbekiston Respublikasi Prezidentining 2018-yil 20-avgustdagi “Respublikada pillachilik tarmog‘idagi mavjud imkoniyatlardan yanada samarali foydalanish chora-tadbirlari to‘g‘risida”gi PQ-3910-son qaroriga muvofiq “O‘zbekipaksanoat” uyushmasi, O‘zbekiston fermer, dehqon xo‘jaliklari va tomorqa yer egalari kengashi, O‘zbekiston Respublikasi Bandlik va mehnat munosabatlari vazirligining respublika hududlarida aholini ish bilan ta’minlash va ularning daromadlarini oshirish maqsadida pillachilik tarmog‘i tashkilotlari tomonidan tomorqa yer egalariga (aholi xonadonlariga) 50 boshdan 90 kunlik parranda va tut ko‘chatlarini shartnoma asosida bepul yetkazib berish to‘g‘risidagi takliflari ma’qullangan.

2019-yildan boshlab uyushma tarkibiga kiruvchi tashkilotlarning pilla hosili uchun kontraktatsiya shartnomalarida belgilangan miqdorlardan ortiqcha pilla topshirilganida, 5 kilogrammgacha ortiqcha pilla hosili xarid narxiga nisbatan 15 foiz, 5 kilogrammdan yuqori bo‘lgan qismiga – 25 foiz miqdorida ustama to‘lash tizimi joriy etiladi.

Pillachilik tarmog‘idagi loyihalarning qiymati va ularni amalga oshirish uchun zarur bo‘lgan valyuta turidan qat’i nazar, “O‘zbekipaksanoat” uyushmasi tarkibiga kiruvchi tashkilotlarning ipak qurti urug‘ini sotib olish, tutzorlar barpo qilish, pilla yetishtirish va uni qayta ishlash inshootlarini qurish hamda rekonstruksiya qilish, shuningdek, ishlab chiqarish quvvatlarini modernizatsiya qilish bo‘yicha loyihalarini moliyalashtirish maqsadida 2019-2021 yillarda ajratiladigan bank kreditlari foiz xarajatlarini qoplash uchun O‘zbekiston Respublikasi Vazirlar Mahkamasi huzuridagi Tadbirkorlik faoliyatini rivojlantirishni qo‘llab-quvvatlash davlat jamg‘armasi hisobidan tijorat banklari tomonidan belgilangan kredit stavkasining 50 foizi, biroq 10 foizdan ortiq bo‘lmagan miqdorda kompensatsiya taqdim etish tartibi o‘rnatiladi.

“O‘zbekipaksanoat” uyushmasi tarkibiga kiruvchi tashkilotlar 2023-yil 1-yanvarga qadar muddatga mol-mulk va yer soliqlarini to‘lashdan ozod etiladi, buning natijasida bo‘shaydigan mablag‘lar ishlab chiqarishni modernizatsiya qilish, shu jumladan, texnologik uskunalar sotib olish uchun maqsadli tarzda yo‘naltiriladi.

2019/2020-o‘quv yilidan boshlab tarmoq tashkilotlari xodimlarini ixtisoslashgan oliy ta’lim muassasalaridagi “Ipakchilik va tutchilik” ta’lim yo‘nalishi bo‘yicha sirtqi bo‘limlarga belgilanadigan qabul kvotalaridan tashqari to‘lov-kontrakt asosida test sinovlarisiz qabul qilish tartibi joriy etiladi.
Категория: O'zbekiston yangiliklari | Просмотров: 25 | Добавил: versign | Теги: O‘zbekistonda pillachilik tarmog‘i | Рейтинг: 0.0/0
Всего комментариев: 0
Имя *:
Email:
Подписка:1
Код *: