Главная » Новости » Sport yangiliklari
00:40
Og‘ir atletika. Ruslan Nurudinov Osiyo o‘yinlari rekordini o‘rnatib, oltin medal sohibi bo‘ldi

Bugun, 26-avgust sanasida Indoneziyaning Jakarta shahrida Osiyo o‘yinlari doirasida og‘ir atletika bahslari davom ettirildi.

Jumladan, -105 kg vaznda O‘zbekiston sharafini himoya qilgan Rio—2016 Olimpiadasi chempioni Ruslan Nurudinov Osiyo o‘yinlari oltin medaliga sazovor bo‘ldi. U dast ko‘tarishda 191 kg, siltab ko‘tarishda esa 230 kg toshni o‘ziga bo‘ysundirib, umumiy 421 kg natija bilan raqiblaridan ustun keldi. Ruslan shu bilan birga Osiyo o‘yinlari rekordini ham yangiladi.

Shu tariqa O‘zbekiston delegatsiyasi medallari soni 27 taga yetdi. Shulardan 6 tasi oltin, 11 tasi kumush va 10 tasi bronza. Umumiy reytingda esa O‘zbekiston hamon 10-o‘rinda.

Eslatib o‘tamiz, avvalroq ayollar o‘rtasida -75 kg vaznda O‘zbekiston sharafini himoya qilgan Omadoy Otaqo‘ziyeva final bosqichida 237 kg natija ko‘rsatib, kumush medalni qo‘lga kiritgandi.
Manba: daryo.uz   

Do'stlaringizga ulashing / Поделиться:
Категория: Sport yangiliklari | Просмотров: 39 | Добавил: versign | Теги: Og‘ir atletika. Ruslan Nurudinov Os, oltin medal sohibi bo‘ldi (foto) | Рейтинг: 0.0/0
Похожие Новости
Всего комментариев: 0
Имя *:
Email:
Подписка:1
Код *: