Логин:
Пароль:
Главная » Shou-Biznes yangiliklari
11:58
OTA-ONALAR 11 YILLIK TA`LIM TIKLANIShI TARAFDORIMI: SO`ROVNOMA NATIJALARI E`LON QILINDI


Prezident Shavkat Mirziyoev maktablarda tajriba sifatida 11 yillik ta`limni qayta tiklash zarurligi ta`kidlangani haqida avval xabar bergandik.

17 iyun kunii Bosh vazir Abdulla Aripov Xalq ta`limi vaziri U.I.Inoyatov, Oliy va o`rta maxsus ta`limi vaziri R.S.Qosimov, O`rta maxsus kasb-hunar ta`limi Markazi direktori M.M.Xolmuxamedov, Toshkent shahar hokimi R.J.Usmanovlar ishtirokida yig`ilish o`tkazgani va unda Toshkent shahri maktablarida 10-11-sinflar ochilishi yuzasidan ota-onalar o`rtasida so`rovnoma o`tkazilishi aytilgandi.

18 iyun kuni barcha Toshkent maktablarida farzandi 9-sinfni bitirayotgan ota-onalar o`rtasida so`rovnoma o`tkazildi.

Darakchi.uz nashri mazkur so`rovnoma natijalari bilan qiziqib Xalq ta`limi vazirligi matbuot xizmati bilan bog`landi. Matbuot xizmatdan ma`lum qilinishicha, so`rovnomaning dastlabki natijalariga ko`ra, Toshkentda 94 foiz ota-onadan 70 foizi ota-onalar 10-11 sinf qayta tiklanishining tarafdori bo`lib chiqdi.

Ayrim internet OAVlarda o`quvchilarga attestat berilmaydi degan mish-mishlar paydo bo`lmoqda, vazirlikda bu mish—mishlar mutlaqo asossizligi va o`quvchining hohishiga ko`ra, attestatlar qoldirilishi yoki berilishi ma`lum qilindi.

Ayni damda 11 yillik ta`lim tiklanishining tashkiliy tomonlari qizg`in muhokama jarayonida, keng jamoatchilik fikri o`rganilib yagona qaror qabul qilinadi.

Dastlabki bosqichda, ushbu jarayon Toshkent shahrida keyingisida esa viloyatlarda amalga oshiriladi.

Bosh vazir Abdulla Aripov o`tkazgan yig`ilishida kollej va akademik liseylar ham saqlanib qolishi, 9-sinf bitiruvchilari kelgusi ta`lim yo`nalishini ihtiyoriy tanlashlari mumkinligi qayd etgandi.

Eslatib o`tamiz, Prezident Shavkat Mirziyoev Uchtepa tumanidagi 78-umumta`lim maktabiga tashrifi chog`ida yuqori sinflarda bolalar shaxs bo`lib, jamoa bo`lib shakllanishi va ayni o`sha paytda ularni o`zlari o`rgangan muhitdan ajratilishi ularning ruhiyatiga, davomatiga, oxir-oqibatda ta`lim-tarbiyasiga salbiy ta`sir qilishini qayd etdi hamda masalani echimi sifatida ta`lim jarayonining usluksizligini ta`minlash zarurligini qayd etgandi.

Shuningdek, davlatimiz rahbari bundan buyon kollej va liseylarning chiroyli binolari uchun sarflanadigan mablag`lar maktab o`qituvchilariga yo`naltirilishini alohida ta`kidlab o`tdi.
Категория: Shou-Biznes yangiliklari | Просмотров: 774 | Добавил: ADMIN | Теги: Toshkent, maktab | Рейтинг: 5.0/1
Всего комментариев: 0
avatar
Statok.net
waplog
Яндекс.Метрика

CHAQMOQ.COM © 2016-2017. Использовании дизайн u-torrentino

POWERED BY MASSARI.