CHAQMOQ.COM - SUPER PORTAL
Seshanba, 30.05.2017, 03:49
Приветствую Вас Гость | RSSГлавная | Регистрация | Вход
Меню сайта
Категории раздела
Dunyo [406]
Shou-Biznes [371]
Sport [189]
Kino [89]
Mahalliy [294]
Texnologiyalar [96]
Mobil operatorlar [46]
Munajjimlar bashorati 2017, 2018 [19]
Mobil telefonlar dunyosi [86]
Avto [28]
Dunyo g'aroyibotlari [19]
Foydali maslaxatlar [403]
Qiziqarli faktlar [70]
Salomatlik va Kasalliklar [146]
Qo'shiqlar matni [36]
Premyera [2]
Мини-чат
Наш опрос
Оцените мой сайт
Всего ответов: 119
Статистика

Онлайн всего: 70
Гостей: 70
Пользователей: 0
Главная » 2017 » Mart » 10 » Qashqadaryoda maktab direktorini qasddan o'ldirgan yigit 16 yilga qamaldi
21:47
Qashqadaryoda maktab direktorini qasddan o'ldirgan yigit 16 yilga qamaldi
Mahmud Rahimov (ism-familiyalar o'zgartirilgan) yaxshi niyatlar bilan qo'shko'lliklar Jarosti deb ataydigan tepalikning kunchiqar tomonidan dehqonchilik qilish uchun yer tanladi. Tepalik atrofidagi yer hech kimga tegishli bo'lmagan adirlik va yaylovdan iborat edi. O'zlashtirib olsang bas, ekin-tikin ekib yuraverasan. Mahmud qo'lidagi belkurak bilan ko'zlagan yerini belgilay boshladi, deb yozadi “Huquq” gazetasi.

Allaqanday ayolning baqir-chaqirini eshitib, ishini to'xtatishga majbur bo'ldi. Boshini ko'tarib, tepasida eskidan adovatlashib kelayotgan hamqishlog'i, maktab direktori Abdunabi O'sarovning turmush o'rtog'i Oydinxon Norboyevani ko'rdi.

Odatdagidek, o'rtada yana janjal boshlandi. Ayol u tanlagan yer qishloq aholisining mollari o'tadigan yo'l ekanligini aytib, ishini to'xtatishini talab qildi. Mahmud uning gaplariga parvo qilmagach, qo'lidagi belkurakka yopishdi. Mahmud belkurakni bermasdan, dahanaki jang asnosida ishida davom etdi. Oydinxon Norboyeva u to'siq o'rnatish uchun kavlagan yerini qo'llari bilan ko'mishga tushdi. Jahli chiqqan Mahmud tepalikdan pastga qarab: “Zo'r bo'lsang, o'zing chiq, xotiningni oldimga jo'natma”, deya baqirdi. Biroz vaqtdan so'ng pastdan ayolning eri Abdunabi O'sarov chiqib keldi. Janjalu tortishuv endi rosa avjiga chiqdi...

Endigina yigirma uch yoshni qarshilagan Mahmud bilan Abdunabi o'rtasidagi yer mojarosi bundan ancha avval boshlangan edi. Mahmud dastlab Abdunabi O'sarov rahbarlik qilayotgan maktab yaqinidan yer tanlab, uning atrofini toshdan qalama usulida chegaralay boshlaganida direktor mahalla oqsoqoli bo'lib ishlaydigan akasi orqali qarshilik qilgandi. Mahalladoshlarining qarshiligidan so'ng Mahmud bu yerdan voz kechishga majbur bo'lgandi.

May oyining o'rtalari edi. Mahmudga hamqishlog'i Tohir Islomov jiyani Mahfuzadan xat berib yuboribdi. Yozishicha, Jarosti tepaligi tomonlardan yer berilayotganmish. Tohirning o'zi ham yer olganmish. Mahmud ertasi kuni azondayoq eshagini minib, avval Tohirnikiga, so'ng u bilan birga Jarosti tomonga yo'l oldi. Yerni belgilab olgach, Tohir o'z yo'liga ketdi. Mahmud endi ishga kirishganda direktor va uning xotini qarshilik ko'rsatishdi.

Ular uzoq tortishdilar. Oxiri g'azab otiga mingan Mahmud belkurak bilan Abdunabi muallimning boshiga tushirdi. Muallim boshini changallab yerga yiqildi. Oydinxon dodlab yubordi. Nima qilib qo'yganini anglab-anglamagan Mahmud esa orqa-oldiga qaramay qochishga tushdi...

Jinoyat ishlari bo'yicha viloyat sudida Mahmud Rahimovning mazkur jinoyat ishi ko'rildi. U marhum Abdunabi O'sarovni turmush o'rtog'ining ko'z o'ngida qasddan o'ldirganligi o'z isbotini topdi.

Sud hukmi bilan unga 16 yil muddatga ozodlikdan mahrum qilish jazosi tayinlandi.

Bir parcha yer mojarosi... Shu tufayli hali kuyovlik libosini ham egniga ilishga ulgurmagan navqiron yigitning o'n olti yillik umri panjara ortida o'tadigan bo'ldi. Qirq sakkiz yoshida mash`um janjal qurboni bo'lib, hayot bilan vidolashgan Abdunabi O'sarovning izidan yetti farzandi izillab qoldi... Vaholanki, yer masalasini qonuniy hal etish imkoni bor edi.
Категория: Mahalliy | Просмотров: 356 | Добавил: MAVRIK | Теги: o'ldirgan, yilga, Yigit, qamaldi, qasddan, direktorini, 16, Qashqadaryoda, maktab | Рейтинг: 0.0/0
Всего комментариев: 0
avatar
Вход на сайт
Логин:
Пароль:
Поиск
Календарь
Архив записей
Друзья сайта
  • Официальный блог
  • Сообщество uCoz
  • База знаний uCoz