Меню Сайта
Онлайн Мини Чат
Статистика сайта
Онлайн всего: 65
Гостей: 65
Пользователей: 0
Фотогалерея
Главная » 2017 » Yanvar » 7 » “Qaynota” filmidagi roli bilan tanilgan hindistonlik aktyor Om Puri vafot etdi
14:15
“Qaynota” filmidagi roli bilan tanilgan hindistonlik aktyor Om Puri vafot etdi
Bollivudning ko‘zga ko‘ringan aktyorlaridan biri Om Puri 6-yanvar kuni vafot etdi. Bu haqda “Qalampir.uz” xabar bermoqda.

Xabar berishlaricha, aktyorning o‘limiga yurak xuruji sabab bo‘lgan; uni Mumbaydagi uyidan jonsiz holda topishgan.

Om Purining vafoti munosabati bilan uning ko‘plab hamkasblari, shuningdek, Hindiston bosh vaziri Narendra Modi ham chuqur hamdardlik bildirgan.

“Om Purining vafoti haqidagi xabardan hayratdaman. Aziz do‘st, maftunkor hamkasb, benazir iste’dod sohibi edi. Chuqur qayg‘udaman”, – deyiladi aktyor Amitabh Bachchanning ta’ziyanomasida.

“Yaratganning bog‘i juda go‘zal bo‘ladigan bo‘ldi – u har doim yaxshilarni chaqirib oladi. Om Puri bilan Berlinda umumiy brend ostida ishlagandik. Sizni sog‘inib qolaman. Joyingiz jannatdan bo‘lsin!”, – deb yozdi mashhur Shohrux Xon.

Om Puri “Gandi”, “Disko o‘yinchisi”, “Lazzat shahri” kabi filmlardagi rollari bilan tanilgan. O‘zbekistonlik kinotomoshabinlar uni “Qaynota” filmidagi ishtiroki orqali yaxshi biladi.

Aktyor kinoda 1975-yili, “O‘g‘ri, ko‘zdan yo‘qol!” filmidagi roli bilan debyut qilgan. U hind filmlari bilan birgalikda Britaniya seriallarida ham rol ijro etgan.

Om Puri 2004-yili Britaniya kinosanoatiga qo‘shgan hissasi uchun mukofotlangan. 1990-yilda esa Padma Shri mukofotini qo‘lga kiritgan edi.
Категория: Shou-Biznes | Просмотров: 420 | Добавил: Bekislom | Теги: aktyor, vafot, Hind | Рейтинг: 0.0/0
Всего комментариев: 0
avatar
Реклама
Новости
Саундтреки
CHAQMOQ.COM © 2016-2017Конструктор сайтов - uCoz | Statok.net waplog