Главная » Новости » Sport yangiliklari
15:18
Rekord! Isroil Madrimov qozog‘istonlik raqibini taslim etib, O‘zbekistonga 20-oltin medalni keltirdi

Bugun, 1-sentabr sanasida Indoneziyaning Jakarta hamda Palembang shahrida XVIII yozgi Osiyo o‘yinlarining boks musobaqalarida final bahslari bo‘lib o‘tdi.

Hozirgina 75 kg vaznda O‘zbekiston sharafini himoya qilgan Isroil Madrimov final jangini o‘tkazdi. Unga hal qiluvchi jangda qozog‘istonlik Abilxan Amanqul raqiblik qildi. Hakamlar 3:1 hisobida o‘zbekistonlik bokschining g‘alabasini qayd etishdi. Shu tariqa O‘zbekistonning oltin medallari soni 20 taga yetdi.

Avvalroq -49 kg va -60 kg vaznda Hasanboy Do‘stmatov, Shunqor Abdurasulov kumush, -52 kg vazndagi Jasurbek Latipov hamda -56 kg vaznli bokschi Mirazizbek Mirzhalilov, shuningdek, -64 kgdagi Iqboljon Xoldorov, -69 kg vaznli Bobousmon Boturov esa oltin medalga ega chiqqani haqida xabar berilgandi.

Shu tariqa finalga chiqqan 7 nafar o‘zbekistonlik bokschidan 5 nafari oltinga, 2 nafari esa kumush medalga ega chiqdi.
Manba: daryo.uz   

Do'stlaringizga ulashing / Поделиться:
Категория: Sport yangiliklari | Просмотров: 52 | Добавил: versign | Теги: rekord, Boks | Рейтинг: 0.0/0
Похожие Новости
Всего комментариев: 0
Имя *:
Email:
Подписка:1
Код *: