CHAQMOQ.COM - SUPER PORTAL
Dushanba, 29.05.2017, 18:17
Приветствую Вас Гость | RSSГлавная | Регистрация | Вход
Меню сайта
Категории раздела
Dunyo [406]
Shou-Biznes [371]
Sport [189]
Kino [89]
Mahalliy [294]
Texnologiyalar [96]
Mobil operatorlar [46]
Munajjimlar bashorati 2017, 2018 [19]
Mobil telefonlar dunyosi [86]
Avto [28]
Dunyo g'aroyibotlari [19]
Foydali maslaxatlar [403]
Qiziqarli faktlar [70]
Salomatlik va Kasalliklar [146]
Qo'shiqlar matni [36]
Premyera [2]
Мини-чат
Наш опрос
Оцените мой сайт
Всего ответов: 119
Статистика

Онлайн всего: 88
Гостей: 88
Пользователей: 0
Главная » 2017 » Aprel » 15 » Samarqandda tramvaylar harakati boshlandi
16:11
Samarqandda tramvaylar harakati boshlandi
Samarqand shahrida umumiy uzunligi 34,8 kilometrni tashkil etadigan tramvay yo‘llari bosqichma-bosqich qurilmoqda. Bu haqda “O‘zbekiston temir yo‘llari” kompaniyasi axborot xizmati ma’lum qildi.

Loyihaning birinchi bosqichida qurilayotgan tramvay yo‘lining umumiy uzunligi 11,4 kilometrni tashkil etib, bugungi kunda 7,2 kilometr bo‘lgan tramvay yo‘lining birinchi qismi qurilishi to‘liq yakunlandi.

O‘zbekiston Prezidenti Shavkat Mirziyoev viloyatda amalga oshirilayotgan bunyodkorlik ishlari, olib borilayotgan islohotlar jarayoni bilan yaqindan tanishish maqsadida Samarqandga qilgan tashrifi davomida, ushbu qurilgan yangi tramvay yo‘lini ham borib ko‘rdi.

Qurilishning keyingi qismi temiryo‘l vokzalidan Siyob bozorigacha bo‘lgan yo‘nalishda, ya’ni uzunligi 5 kilometr bo‘lgan tramvay yo‘li qurish ishlari davom etmoqda. Ushbu yo‘nalishda 1 kilometr tramvay yo‘li qurildi va Rudakiy hamda Gagarin ko‘chalari kesishmasida tramvaylarga texnik xizmat ko‘rsatish deposi bunyod qilinmoqda.

Tramvaylarga elektr energiyasi yetkazib berishda shahar aholisi va korxonalariga yetkazib berilayotgan elektr energiyasiga salbiy ta’sir qilmasligini ta’minlash uchun 4 ta maxsus elektr podstantsiyalari qurildi.

Yangi tramvay yo‘nalishi bo‘yicha harakat grafigi ishlab chiqildi. Unga ko‘ra, tramvaylar ertalab soat 6:00 dan kechqurun 23:00 gacha harakatlanadi. Temiryo‘l vokzalidan Sattepo massivigacha tramvay liniyasida ikki tomonlama 4 tadan jami 8 ta tramvay har 7 daqiqada harakatlanadi. Tramvay yo‘lining ikki tarafidan avtobus bekatlari bilan birlashtirilgan 13 tadan jami 26 ta zamonaviy bekatlar qurilgan.

Loyihaning keyingi bosqichida quriladigan tramvay yo‘lining umumiy uzunligi 23,4 kilometrni tashkil etib, qurilish “Samarqand” temiryo‘l vokzalidan Spitamen ko‘chasi orqali Kimyogarlar shaharchasi hamda vokzaldan Narpay ko‘chasi orqali Kimyogarlar shaharchasigacha bo‘lgan yo‘nalishlarni qamrab oladi.

Yangi tramvay yo‘lini qurish barobarida, kadrlar masalasiga ham alohida e’tibor qaratildi. Ayrim tramvay haydovchilari ilgari Toshkent shahrida harakatlangan tramvaylarda faoliyat ko‘rsatishgan, yaxshi tajribaga ega. Ular bilan birgalikda 20 nafardan ortiq yosh tramvay haydovchilar hamda tramvay liniyasiga xizmat qiladigan mutaxassislar — jami 43 nafar fuqaro ishga qabul qilindi.

O‘zbekiston Ichki ishlari vazirligining tegishli ruxsatnomasi olinib, Samarqand tramvay deposi qoshida tramvay haydovchilarini tayyorlash markazi tashkil etildi.
Категория: Mahalliy | Просмотров: 90 | Добавил: versign | Рейтинг: 0.0/0
Всего комментариев: 0
avatar
Вход на сайт
Логин:
Пароль:
Поиск
Календарь
Архив записей
Друзья сайта
  • Официальный блог
  • Сообщество uCoz
  • База знаний uCoz