Меню Сайта
Онлайн Мини Чат
Статистика сайта
Онлайн всего: 41
Гостей: 41
Пользователей: 0
Фотогалерея
Главная » 2017 » Yanvar » 24 » Samsung kompaniyasi Note brendi ostidagi smartfonlarni ishlab chiqarishni davom ettirishga qaror qildi
13:48
Samsung kompaniyasi Note brendi ostidagi smartfonlarni ishlab chiqarishni davom ettirishga qaror qildi
Samsung Electronics smartfonlarni Note brendi ostida ishlab chiqarishni davom ettirishga qaror qildi, deb “Vc.ru” nashri xabar berdi. Bu haqda Samsung Electronics kompaniyasi Mobile Communication bo‘limi rahbari Donjin Kox Cnet nashriga bergan intervyusida ma’lum qilgan.

Note brendining Note7 modeli qurilmalarining o‘z-o‘zidan yonib ketishi hodisalaridan so‘ng savdodan qaytarib olingan edi.

Biz yaxshiroq, nisbatan xavfsiz va innovatsion Note 8 ni ishlab chiqaramiz.

Donjin Kox, Samsung Electronics kompaniyasi Mobile Communication bo‘limi rahbari

U kompaniya Note 7 bilan bog‘liq muammolarga qaramasdan, ushbu turdagi smartfonlar ishqibozlarining faolligi sababli brendni saqlab qolishga qaror qilganini ta’kidlab o‘tgan.

Samsung Galaxy Note 7 smartfonlari 2016-yilning avgust oyida savdoga chiqarilgan, biroq bir necha haftadan so‘ng kompaniya qurilmalarning o‘z-o‘zidan yonib ketayotganligi haqidagi xabarlar tufayli Note 7 smartfonlarini savdodan qaytarib olishga majbur bo‘lgan edi. Ammo smartfonlar almashtirib berilganidan keyin ham foydalanuvchilar qurilmalarning yonib ketishidan shikoyat qilishda davom etdi. Shu tufayli kompaniya qurilmalarni savdodan butunlay olib tashlashini e’lon qildi va ularni ishlab chiqarishni to‘xtatdi.

23-yanvar kuni Samsung Electronics Note 7 bilan bog‘liq hodisalarni o‘rganib chiqish tugatilganligini e’lon qildi. Kompaniyaning xulosasiga ko‘ra, smartfonlarda ikkita firmada ishlab chiqarilgan batareyalar ishlatilgan, qurilmalarning yonib ketishi birinchi firmada ishlab chiqarilgan batareyalarni loyihalashtirish bilan bog‘liq muammolar va ikkinchi firma tomonidan ishlab chiqarilgan batareyalarning ommaviy yaroqsizligi sababli yuzaga kelgan.
Категория: Texnologiyalar | Просмотров: 217 | Добавил: Админ | Теги: samsung, Note | Рейтинг: 0.0/0
Всего комментариев: 1
avatar
1
YANGILIK UCHUN RAXMAT
avatar
Реклама
Новости
Саундтреки
CHAQMOQ.COM © 2016-2017Конструктор сайтов - uCoz | Statok.net waplog