Меню Сайта
Онлайн Мини Чат
Статистика сайта
Онлайн всего: 105
Гостей: 105
Пользователей: 0
Фотогалерея
Главная » Dunyo » ​Sartarosh soch turmagi hatto uysizni ham o`zgartirishi mumkinligini ko`rsatib qo`ydi
12:36
​Sartarosh soch turmagi hatto uysizni ham o`zgartirishi mumkinligini ko`rsatib qo`ydi

Stilist Mark Bastos (MarkBustos) har yakshanba ko`chaga chiqib uysizlarning sochini tekinga olib qo`yadi. 

Markning maqsadi — odamlarga ozgina bo`lsa-da, yaxshilik ulashish.

Dam olish kuni Mark Bastos soch turmagiga muhtoj bo`lganlarni izlab shahar kezadi. Uning odatiy “mijozlari” — uysizlar va faqirlardir. Kerakli odamni topganidan keyin u: “Bugun men siz uchun bir yaxshilik qilmoqchiman”, ¬– deydi.

Yakshanba kuni Mark o`rtacha olti nafar muhtojning sochini turmaklaydi. Bu bilan jilla qursa hech vaqosi yo`q odamning ko`ngliga o`z hayotini o`zgartirish umidini uyg`otmoqchi bo`ladi. Axir, insonga ikkinchi imkoniyat berish kerak, shunday emasmi?

Mark o`z ishlari va uysiz, faqirlarning ko`rgan-kechirganlarini Instagram dagi akkauntida bo`lishadi.

Bu an`ana Markda 2012 yili oilasini ko`rish uchun Filippin orollariga borganda paydo bo`lgan. U erda Mark eski sartaroshxonadan kursi sotib olib kambag`al oilalar farzandlarining sochlarini tekinga turmaklab qo`ygandi.

“Bilasizmi, bu tuyg`u shundayin latif ediki, bu pozitiv energiyani Nyu-Yorkka olib ketishga ahd qildim”, – deydi Mark.

Uysizlarning sochini turmaklab, ularning o`tmishini bo`lishish Mark uchun an`anaga aylandi. Hatto Yamayka, Kosta-Rika va Los-Anjelesga qilgan safarlarida ham har yakshanba yang “mijoz” axtarib ko`chaga chiqadigan bo`ldi.

Bir kuni Mark sevgan qizi bilan sayr qilib yurib o`zining tashqi ko`rinishini o`zgartirib berishini so`ragan odamga duch keladi. Yoshlar undan qanday taomni yaxshi ko`rishini so`rashganda, javoban quyidagini eshitishadi: “Hech kim mendan nima eyishimni so`ramagan. Odatda ovqat qoldiqlarini eyman”.

“Biz ko`pincha yordam berishimiz mumkin bo`lgan odamlar yonidan jimgina o`tib ketaveramiz, aslida esa yordam qo`lini cho`zishdan oson ish yo`q”, – deydi stilist.

“Buning ismi Jemar Benks (Jemar Banks), uning sochini turmaklayotganimda va hatto ovqatga taklif qilganimda u miq etmadi. Sochini turmaklab bo`lganimdan keyin unga ko`zgu berdim. Jemar birgina jula aytdi: “Bilmaysizmi, kim menga ish berarkin?”, – deb eslaydi Mark. 

“Odamlarning sochini salonimda emas, ko`chada turmaklab qo`yishimning sababi bor. O`tkinchi odamlar ezgulik qilish uchun ilhomlanishlarini istayman. Yaxshilikni o`z bilganimcha qilaman, buni ko`rgan odamlar esa ezgulikning boshqaroq usulini topishadi. Hatto oddiygina tabassum ham ko`p narsani o`zgartirishi mumkin”, ¬– deydi Mark Bastos.

Категория: Dunyo | Просмотров: 463 | Добавил: ADMIN | Рейтинг: 0.0/0
Всего комментариев: 0
avatar
CHAQMOQ.COM © 2016-2017 | Statok.net waplog Яндекс.Метрика