Yakshanba, 24.02.2019, 02:15
Приветствую Вас, Гость

22:21
Sevgi Iztirobi Turk seriali voqealar rivoji 59-qism (Toriq Karenni o'ldirib qo'ydi)
Toriq qurolda otishni o'rganadi. Amir esa unga topshiriq bersa bajara olishini so'raydi. Toriq To'fonni gapirganida Amir unga ishonchi yo'qligini shuning uchun ham Toriqni tanlaganini aytadi.
Amir: - Har qanday topshirig'imni bajara olasanmi?
Toriq: - Xa. Albatta. Siz aytsangiz bo'lgani barchasini bajaraman.
Zaynab qayg'uga tolgan holda otasining gaplarini eslaydi va Xuseynga qo'ng'iroq qiladi. Xuseyn telefonga javob beradi va hechkim indamaydi, lekin telefondan yig'i ovozini eshitgach bu Zaynab ekanini bilib telefonni qo'yib qo'yadi. So'ng Fehimaga qo'ng'iroq qilib kimdir bugun qo'ng'iroq qildimi yo'qmi deb so'raydi. Fehime hechkim qo'ng'iroq qilmaganini aytadi. So'ng Fehima siqilib tursa ortida o'tirgan Asu unga biroz tasalli berishga urunadi. Zaynab yig'lagancha o'tiradi va Amirning gapini eslaydi.
Laylo va Nihon tenderga ketayotib, tirband ko'chaga kirib qolishadi. Laylo diqqat bo'la boshlaydi. Nihon uni tinchlantirishga urunmoqchi bo'ladi. Shu payt orqadagi mashina bir yurib ularning mashinasiga yengil uriladi. Laylo va Nihon kelgan mashina esa turtilgach ularning oldi qismidagi mashinaga uriladi. Oldi qismdagi mashina egasi mashinasidan tushib, ular bilan tortisha boshlaydi. Laylo orqadagi mashina sababchi ekanini tushuntirsa ham oldindagi mashina egasi shikoyat qilishini aytadi. Ikkala haydovchi ham tortishib ketishadi. Asli bu yerda o'yin edi. Ikkala haydovchi ham bir-biriga qarab qo'yishadi. Oldi qismdagi mashina egasi G'olibga qo'ng'iroq qilib, hammasi ko'ngildagiday ekanini aytadi.
Zaynab ichkarida aylanib yurib, Nihonning xonasiga kirib qoladi va uning pardoz anjomlaridan foydalanib, so'ng kiyimlarini kuzata boshlaydi.
Zaynab Ozanning yoniga keladi va alohida xona ham borligi haqida so'raydi. Ozan bu nima uchun kerakligini so'raydi va Zaynabga qarab:
- Chaqaloq uchunmi? - deydi.
Zaynab esa ikkalasi uchun ekanligini aytadi. Ozan esa alohida boshqa uy olishlari haqida gapiradi. Zaynab esa biroz dardlarini tushuntirgach, Ozan alohida xona qilishini aytadi. Zaynab esa bu Vildanga yangilik bo'lishini aytib, Ozanni quchoqlaydi.
Tenderda Vildan va boshqalar Layloni kutishayotgan edi. G'olib Vildanga qo'ng'iroq qiladi va uy endi uniki bo'lishi ekanligini aytadi. Vildan esa xursand bo'ladi.
Advokat Layloga qo'ng'iroq qiladi va tenderga vaqt oz qolganini aytadi. Laylo politsiya kelganini va protokol tuzayotganini aytadi. Laylo Nihonga kech qolayotganini aytadi. Nihon Layloga mashinani qoldirib, qochib ketish taklifini aytadi. Ular asta mashinadan sumkalarini olishadi va oxista taksi tomon yugurishadi. Taksiga o'tirayotgan vaqti qolgan ikki haydovchi ularni ko'rib ortlaridan yuguradi. Ular taksida darxol qochib ketishga muvoffaq bo'lishadi. Mashinaga o'tirib kulishadi va taksichidan tezroq yurishini so'rashadi.
Haydovchilardan biri G'olibga qo'ng'iroq qiladi va Laylo qochib ketganini aytadi. G'olib Vildanga SMS yozadi:
"Laylo yo'lda ketayapti. Tezroq qanday qilib bo'lsa ham vaziyatdan foydalanib qoling."
Tender boshlanadi. Laylo esa taksistga tezroq yurishini aytadi. Tenderda esa narxlash kim-oshdi savdosi boshlangandi. Vildan va boshqa uyga davogarlar narx qo'ya boshlashadi. So'nggida Vildan 20 millionga uyni baxolagach, boshqa davogar chiqmaydi va uyning yangi sohibasi Vildan Sezin bo'ladi. Laylo esa tenderga yetib kela olmaydi.
Kamol va Zehir Karanni bir uyga olib kelishadi. Zehir bilan tashqariga chiqib gaplashib olishadi va Kamol ichkariga Karanni yoniga kiradi:
- Sen mendan qo'rqayapsanmi?... Qo'rqma. Men senga yordam beraman. Chunki men senga yordam berarkanman, aslo qo'rqma.
Karan qo'rqayotgani shundoq bilinib turardi.
Amir esa Karanni qidirishga kirishgandi. To'fonni chaqirib, Toriq bilan bir ish qilishini unga tushuntiradi. Lekin Amir To'fonga bo'lgan ishonchi yo'q bo'lganini unga aytadi.
Kamol Karandan qayerlarga borganliklarini so'raydi.
Karan: - Ko'zimiz bog'langan va og'zimiz ham yopiq edi. Uzun-uzun yo'llardan bordik.
Kamol: - Biror joyda to'xtadinglarmi?
Karan: - Bilmadim. Qayerda bo'lganimizni bilmayman.
Kamol: - Lekin sizlar bir uyda bo'lmagansizlar. Demak uni olib ketishgan, seni esa qoldirib ketishgan.
Karan: - Ikki erkak gaplashishdi. Sen ket yo sen ket dedi. Keyin aytdiki...
Kamol: - Nima dedi?
Karan: - 5 daqiqalik yo'limiz qoldi. Sen tezroq yurasan. Unchalik uzoqmas. Tez bo'l.
Kamol Zehirdan Amirni biror boshqa inson bilan ko'rishgani haqida so'raydi. Kamol ham ketishini aytadi. Zehir Karan o'zi yolg'iz qoladimi deganda, Kamol boshqa iloji yo'qligini, u yolg'iz qolishini aytadi.
Kamol Karanga o'zini yaxshi tutishini, Kamol va eri uchun ham yaxshi tutishini aytadi.
Karan: - Meni erimni olib kelinglar.
Kamol: - Bitta, faqat bitta narsani ayt. Linda o'ldimi? U o'lganmi?
Karan: - Meni tushun. Senga rostini aytsam, keyin senga kerak bo'lmay qolaman. Erimni olib kelasanmi yo'qmi? Eshit meni. Va'da beraman. Menga erimni olib kelsang, men senga hammasini aytib beraman. Va'da beraman, faqat uni olib kel.
Laylo yugurib keladi va ichkariga kirib ketishadi. Vildan esa advokatga hujjatlar bilan shug'ullanishini aytadi. Laylo kirib kelgach, Vildan unga qaraydi va jim bo'lib qotib qolishadi. Vildan uyni olib qo'yganini aytadi. Laylo va Vildan hamda Nihon tortishib ketishadi. So'ng Vildan ketadi. Laylo esa yig'lagancha qolib ketadi.
Nihon Kamolga qo'ng'iroq qiladi va Laylo uyni boy berganini aytadi. Kamol esa Karanni erini topgani ketayotganini aytadi. Nihon esa hayratga tushadi. Kamol Nihonga Layloni yolg'iz qoldirmasligini aytadi.
Kamol mashinani to'xtatadi va bir uyni Zehirga ko'rsatib o'sha uy ekanligini aytadi. U yerga qanday kirish haqida o'ylashayotganda, Zehirning odamlari ham mashinada yetib kelishadi. Kamol va Zehir yigitlarga ko'rsatma berib, ularni uy tomon yuborishadi.
Yigitlar esa mashinada qo'shiqni qo'yib, o'zlarini shirakayf odamga o'xshatib uy tomon borishadi. Kamol va Zehir esa ularni kuzatib turishadi. Ichkarida Karanni erini qo'riqlab turgan yigitlar janjal ovozini eshitib tashqariga chiqishadi. Yigitlar esa rol o'ynab, janjal ko'tarib, ularni chalg'itadi.
Kamol va Zehir imkoniyatdan foydalanib, ichkariga kirishadi va Karanni erini qutqarib, olib chiqib ketishadi.
Nihon Layloga taskin berib, uyni qaytarib olishlarini aytadi. Laylo esa endi iloji yo'qligini aytadi.
Kamol Nihonga qo'ng'iroq qiladi va ular birgalikda mashinada Karan turgan uyga borishadi. Yetib borib, mashinadan tushishadi.
Karanning eri: - Karan shu yerdami?
Kamol: - Ha shu yerda.
Ular darxol ichkariga yugurishadi. Nihon tez ichkariga kiradi va ro'parasiga qarab "Kamol" deya baqiradi. Kamol ichkariga yugurib kiradi va yerga qaraydi.
Mashina ketib borardi.
To'fon: - Bo'ldi tinchlan. Hammasi o'tib ketdi.
Toriq: - Men ayolni otib qo'ydim.
To'fon: - Tinchlan. Hammasi yaxshi bo'ladi.
Toriq: - Men ayolni otib qo'ydim.
Kamol va Nihon yerga tikilgancha turishardi.
Nihon: - Karan o'ldi...
DAVOMI BOR...
Muxriddin Shermuhammedov tayyorladi.
Категория: Sevgi Iztirobi Turk Serial Voqealar Rivoji | Просмотров: 1184 | Добавил: MASSARI | Теги: Sevgi iztirobi, Voqealar rivoji | Рейтинг: 0.0/0
Всего комментариев: 0
Имя *:
Email:
Подписка:1
Код *: