Логин:
Пароль:
Главная » Sevgi Iztirobi Turk Serial Voqealar Rivoji
07:58
Sevgi Iztirobi Turk Seriali Voqealar rivoji 8-qism


Nihan uyga keladi. Ozan uni kutib oladi. U opasiga Kemal haqida gapiradi. Ozan ham opasi Kemalni qattiq yaxshi ko'rishini bilardi. Nihan Ozanga hayrli tun tilab, xonasiga kirib ketadi. Ozan esa iztirob chekardi. Chunki, opasining baxtiga u zomin bo'lganini juda yaxshi bilardi.
Soyderlar oilasi televizor tomosha qilishmoqda. Kemal kirib keldi. Ular kino ko'rishmoqda. Tarik chiroqni o'chirib qo'yadi.
- Men Zumbuldakka bormayman. Men shu yerda qolaman.
Kemalning bu gapidan oilasi hursand bo'lib ketishadi.
Asu Kemalga SMS yuboradi. Kemal esa unga qo'ng'iroq qiladi. Kemal Asuga qaytmasligini, shu yerda qolishini aytadi va ular bir-biriga hayrli tun tilashgancha telefonni o'chirishadi. Kemal uzukka bir qaraydi va uyquga ketadi.
Ertalabda Kemal Leylaning yoniga boradi. Leylaga ham shu yerda qolishini aytadi. Leyla Nihan bilan ko'rishganini aytadi. Kemal esa uni kecha ko'rganini aytadi. Leyla esa Kemalga maslaxat berishiga qaramay, u yerdan ketadi.
Nihan rasm chizayotsa, telefoni jiringlaydi. Jaxl qilib rasmni bejab tashlaydi. Uning dugonasi kelgach yana Kemal haqida gaplashishadi.
Emir tunni yana jazmani bilan o'tkazadi. Eshik taqillaydi. Emirning jazmani eshikni ochsa, Ozan kelgan bo'ladi. Ozan ayolni ko'rgach:
- Demak, hammasi rost ekanda Emir. - deydi.
Emir: - Namuncha kayfiyating buzuq. Ertalabdan dorilariningni ichmadingmi?
Ozan: - Bu ayol haqidagi gaplar rost ekanda?
Emir: - Ha, Rost.
Ozan Emirning yoqasidan ushlaydi. Emir esa uni surib yuboradi.
Ozan: - Nihan baxtsiz. Sen uning eri ekanliging barchasi o'yin... o'yin.
Emir: - Ey, bas qil. Bor politsiyaga bor. Hammasini aytib ber. Nihanning baxtsizligiga sen sababchi ekaningni, odam o'ldirganingni ayt. O'yinni sen boshlaganingni ayt. Nihanni baxtini o'ldirganing ayt. Bo'l, buni bajar.
Emir Ozanni sudragancha dushga olib kirib qo'yadi va shu gaplarni aytadi.
Ozan asta o'rnidan turadi va indamay chiqib ketadi.
Zeynep internetni titkilab sur'atlarni tomosha qilib o'tiradi va birdan:
- Oooo! - deb yuboradi.
Onasi Fehime:
- Nima bo'ldi? - deydi.
Zeynep: - Yo'q. Hechnima.
Onasi telefon o'ynagani uchun Zeynepni tergab beradi. Zeyneb esa akasining rasmini ko'rib qoladi.
Fehime Kemalning kiyimini qoqayotganda kiyim cho'ntagidan uzuk tushadi. Fehime uni qo'liga olib hayratga tushadi.
Fehime Kemal hali ham Nihanni unutmaganidan jaxli chiqdi.
Zeynep akasi Tarikka qo'ng'iroq qiladi.
Tarik: - Qalaysan, qizaloq.
Zeynep: - Aka, siz bugun gazeta sotib oldingizmi?
Tarik: - Ha, nima bo'ldi?
Zeynep: - Yashiring, yashiring, yashiring. Dadam ko'rib qolmasinlar.
Tarik: - Nima uchun?
Zeynep: - Kemal akamni gazetada gapirishganini ko'rmasin. Aka, agar dadam uni ko'rib qolsalar yuragi ko'tarmaydi.
Tarik gazetani qo'liga oladi va undagi rasmni ko'radi.
Xuseyn Tarikdan nima bo'lganini so'raydi. Tarik Zeynep qo'ng'iroq qilganini aytadi. So'ng gazetani cho'ntagiga yashiradi.
Zeynep internet nashrlaridagi maqolalarni ham ko'rib, Nihanga qo'ng'iroq qiladi.
Ular Zeynebning rasmlari haqida gaplashishadi.
Kemal. U mashinada ish joyiga ketmoqda. U Ko'zchiog'lular kompaniyasiga ishga keldi.
Fehime va Leyla Kemal haqida gaplashishadi.
Kemal Emir bilan ish haqida va oldi-sotdi masalasi haqida baxslashadi. Galip va Onder Kemaldan o'z prinsipidan foydalanib, ish bo'yicha maslaxat berishini so'rashadi.
Vildan qizi Nihan bilan Kemal to'g'risida suxbatlashishadi.
Kechki ovqat. Soyderlar ovqatlanishmoqda. Tarik asta Kemalga kesatiq gaplarni boshlaydi. Kemalning g'ashi keladi. Zeynepga ham Tarikning gaplari yoqmaydi. Tarik oxiri cho'ntagidagi gazetani chiqarib, undagi rasmni dadasi Xuseynga ko'rsatadi.
Xuseyn va Fehime gazetadagi rasmga termulgancha hayratlanishadi.
Tarik: - Mana sizlar olmos deb bilgan o'g'illaringni asl basharasi.
Xuseyn: - Bas qil. Kemal bu nimasi?
Kemal: - Dada. Noto'g'ri tushunmang. Bu ish yuzasidan.
Tarik: - Ko'zchiog'lularning to'y marosimida qanaqa ish yuzasidan.
Shu payt Xuseynning axvoli og'irlashadi.
Kemal: - Aka bu nima qilganingiz endi.
Tarik: - Men emas sen nima qilganing. Sening imkoni bo'lmagan sevging dadamizni o'ldiradi.
Kemal va Tarik tortishib ketishadi. Xuseyn esa ularni bas qilishini aytadi. Ular tinchlanishadi va stulga o'tirishadi.
Xuseyn: - Bu to'g'rimi Kemal. Sen shu qiz uchun uyga qaytdingmi?
Kemal: - Yo'q dada unday emas.
Xuseyn: - Aniqmi? Unda bu rasmga qanday izoh berasan?
Kemal: - Xa tushuntiraman. Men Nihan bilan ishlamoqdaman, ya'ni Emir Ko'zchiog'lu bilan.
Fehime: - Bilgandim buni. Bilgandim.
Kemal: - Men xoxlamagandim. Buni xoxlamagandim. Lekin Haqqi Bey reja bo'yicha meni shu ishga yubordilar.
Tarik yana kesatib gapiradi.
Kemal: - Yo'q unday emas. U mening boshlig'im. Bu mening ishim... Dada... Men ish bilan keldim. Haqqi Beyning rejasi bo'yicha Ko'zchio'g'lu bilan hamkorlikda ishlashim kerak. Asli buni xoxlamagandim.
Tarik: - Ish yuzasidan kelgan ekansan. Nega keliboq bu haqida aytmading.
Kemal: - To'g'ri gapirdilaring. Sizlarga aytmadim. Hammasi mana joyimda, mana bu joyimda... Men imkonsiz qoldim. Siz meni tushunmadingiz.
Xuseyn: - Ho'p tushunarli. Sening ishing bitdi. Nima uchun kecha ketmading? Nima uchun bu yerda qolding?
Kemal biroz indamay turdi. So'ng:
- Ketolmadim...
Xuseyn: - Bo'ldi. Men seni tushundim. Bir qizni deb lekin hammasini yo'qotding.
Kemal: - Dada...
U indamay qoladi.
Tarik: - Oyi rahmat. Hammasi juda ham mazali.

Ko'zchiog'lular hamda Sezinlar ovqatlanishmoqda. Ular suxbatlashib turishsa, Emirga qo'ng'iroq qilishadi.
Emir: - Senga nima kerak?
Telefondagi odam: - Ha nima? Senga sovg'am yoqdimi?
Emir: - Nima?
Telefondagi odam: - Sen mening sovg'amni ochmadingmi? Senga kichkinagina syurprizim bor.
Xizmatkor qiz Emirga bir konvert olib keladi. Uning ichida fleshka bor edi. Emir uni kompyuteriga soladi. Ichidan video chiqadi. Videoda Emir belkurak bilan qabr ko'mayotgan edi.
Kemal tunda ko'chada Leyla bilan dardlashib ketashadi. Kemal Leylani kuzatib qo'ygach, telefoni jiringlaydi. Salih qo'ng'iroq qiladi va Kemalni uyga bormasdan uning yoniga kelishini, u bilan zarur gaplarni gaplashishini aytadi.
Salih esa tezda Zeynepga SMS yuboradi. Zeynep Salihga qo'ng'iroq qilib, bu haqida aytmasligini iltimos qiladi. Salih esa hammasini aytishini va havotir olmasligini aytib telefonni o'chiradi.
Zeynep esa Tarik akasi va onasidan ingliz tili bo'yicha darslik olishi kerakligini aytib uydan chiqmoqchi bo'ladi. Tarik birga chiqib ketayotganda Zeynepdan daftar va kitoblarini so'raydi. Zeynep unutganini aytib, xonasidan olib chiqadi.
Ozan diskotekada Emirning jazmanini poylab turadi. So'ng uning yoniga boradi. Qaytib Emirga yaqinlashmasligini talab qiladi.
Zeynep dugonasi Semaning yonidan tez chiqadi. Tarik hayron bo'ladi. Zeynep akasi bilan yetalashib, tez ketishardi. Tarik yo'lda jaxli chiqadi. Zeynep esa muzqaymoq yegisi kelib qolganini aytadi.
Kemal keladi. Salih bilan stulga o'tirishadi.
Kemal: - Hammasi joyidami?
Salih: - Ha joyida. Hammasi joyida. Avval choy ichaylik. Choy xoxlaysanmi? Men hozir olib kelaman.
Zeynep Tarikni yosh bolani yetalaganday birga ketayotsa Tarikni jaxli chiqib nega bunday qilayotganini Zeynepdan so'raydi. Zeynep esa Kemalni hafa bo'lgani tufayli ekanini aytadi va sohil bo'yiga atayin qaraydi.
- Ana Kemal akam.
Tarik va Zeynep Kemalni ko'rishadi. Salih choy olib keladi.
Salih: - Kemal do'stim. Bilasan biz juda yaqin do'stmiz. Uning ustiga men yomon bola emasman buni bilasan.
Kemal: - Ha.
Salih: - Demak, sen meni yaxshi bilasan. Bu o'zgarmagan va o'zgarmaydi to'g'rimi?
Kemal: - Albatta o'zgarmaydi. Sen mening eng yaqin do'stimsan.
Ularning suhbatini bo'lib, Zeynep va Tarik kelib qoladi.
Kemal: - Sizlar bu yerda nima qilyapsizlar?
Tarik: - Aylanib yurgandik. Uning toza havoda aylangisi kelib qolibdi.
Salih: - Biz choy ichmoqchi edik.
Zeynep: - Biz Tarik akam bilan muzqaymoq yemoqchi edik. Agar qaynoq choy bo'lsa yo'q demasdim.
Salih va Zeynep birgalikda choy tayyorlagani ketishadi. Zeynep Salihga akasiga o'rtalaridagi munosabat haqida gapirmasligini aytadi.

Kemal: - Aka o'tiring. Biz aka-ukalardek gaplashib olsak bo'lardi.
Tarik: - Yolg'oning haqidami?
Kemal: - Aka men bu yerga ish bilan kelganman.
Ular shu zaylda janjallashib hatto yoqalashishga ham borishadi...
DAVOMI BOR...
Muxriddin Shermuhammedov tayyorladi.
Категория: Sevgi Iztirobi Turk Serial Voqealar Rivoji | Просмотров: 351 | Добавил: MASSARI | Теги: Sevgi iztirobi, Voqealar rivoji | Рейтинг: 0.0/0
Всего комментариев: 0
avatar
Statok.net
waplog
Яндекс.Метрика

CHAQMOQ.COM © 2016-2017. Использовании дизайн u-torrentino

POWERED BY MASSARI.