Главная » Новости » O'zbekiston yangiliklari
12:28
Shavkat Mirziyoyev Bekobod metallurgiya kombinatida yirik ishlab chiqarish sexini ishga tushirdi

O‘zbekiston Respublikasi Prezidenti Shavkat Mirziyoyev 29-avgust kuni Bekobod shahriga tashrif buyurdi.

Davlatimiz rahbari o‘tgan yili 18-avgust kuni “O‘zbekiston metallurgiya kombinati” aksiyadorlik jamiyatiga kelib, uning ishlab chiqarish quvvati va moliyaviy-iqtisodiy holatini tubdan yaxshilash chora-tadbirlarini belgilab bergan edi. Bugun ular bosqichma-bosqich amalga oshirilib, kutilgan natijalarni bermoqda.

2018-yil 29-avgust kuni kombinatdagi ko‘plab investitsiya loyihalaridan biri — ferroqotishmalar ishlab chiqarish sexini ishga tushirish marosimi bo‘ldi. Tadbirda korxona ishchilari, soha mutasaddilari, xorijlik investorlar ishtirok etdi. Bu haqda Prezident matbuot xizmati xabar berdi.

Prezident Shavkat Mirziyoyev loyiha qiymati 60 million dollar bo‘lgan, zamonaviy, energiya tejovchi va ilg‘or texnologiyalar bilan jihozlangan yangi ferroqotishmalar sexini tantanali ravishda ishga tushirdi.

Ushbu yangi sex Janubiy Koreyaning Posco Daewoo kompaniyasi ishtirokida qurilgan bo‘lib, jami 25 ming tonna ferrosilitsiy va ferrosilikomarganes qotishmalari ishlab chiqaradi. Bu metall mahsulotlar tayyorlaydigan tarmoqlar talabini to‘liq qondirish bilan birga, yiliga o‘rtacha 8 ming tonna ferroqotishmani eksport qilish va 12 million dollar miqdoridagi valyuta tushumini ta’minlash, importni qisqartirish imkoniyatini yaratadi.

Ushbu yangi sexga o‘quv yurtlarini bitirayotgan va zamonaviy texnologiyalarni chuqur o‘zlashtirgan 330 nafar yigit-qiz ishga qabul qilinadi.

Shavkat Mirziyoyev yangi sexning texnologik jarayonini ko‘zdan kechirdi. Janubiy koreyalik hamkorlar bilan suhbatlashdi. “O‘zbekiston metallurgiya kombinati” aksiyadorlik jamiyatining investitsiya dasturiga oid taqdimotlar bilan tanishdi.

Kombinat rahbariyati va mutasaddilarga yangi investitsiya loyihalarini bajarish hisobiga bunday korxonalarni ko‘paytirish, qo‘shimcha ish o‘rinlari yaratib, aholi bandligi darajasini oshirish bo‘yicha ko‘rsatmalar berdi.
Manba: daryo.uz   

Do'stlaringizga ulashing / Поделиться:
Категория: O'zbekiston yangiliklari | Просмотров: 33 | Добавил: versign | Теги: Prizidentimiz | Рейтинг: 0.0/0
Похожие Новости
Всего комментариев: 0
Имя *:
Email:
Подписка:1
Код *: