Меню Сайта
Онлайн Мини Чат
Статистика сайта
Онлайн всего: 100
Гостей: 100
Пользователей: 0
Фотогалерея
Главная » Mahalliy » Shavkat Mirziyoyev xususiy tibbiyotni yanada rivojlantirishga qaratilgan qarorni imzoladi
15:29
Shavkat Mirziyoyev xususiy tibbiyotni yanada rivojlantirishga qaratilgan qarorni imzoladi
O‘zbekiston Respublikasi Prezidenti Shavkat Mirziyoyev “Sog‘liqni saqlashda xususiy sektorni yanada rivojlantirish chora-tadbirlari to‘g‘risida”gi qarorni imzoladi. Bu haqda “Gazeta.uz” xabar bermoqda.

Hujjat sog‘liqni saqlash xususiy sektori taraqqiyotiga har tomonlama ko‘mak berishni kuchaytirish, xususiy tibbiyot tashkilotlari tomonidan aholiga sifatli, yuqori texnologiyali tibbiy xizmatlar ko‘rsatilishi uchun sharoitlar yaratish, xususiy tibbiyot sohasiga xorijiy investitsiyalar va yuqori malakali chet el mutaxassislarini jalb etishni kengaytirish, tibbiyot turizmi va tibbiyot xizmatlari eksportini rivojlantirishga qaratilgan.

Qarorda xususiy tibbiyot tashkilotlari uchun ruxsat berilgan tibbiyot turlarini aholi salomatligi va hayoti, sanitar-epidemiologik vaziyat uchun xavf tug‘dirmaydigan (jumladan, kardiojarrohlik, neyrojarrohlik, mikrojarrohlik, onkologiya, endokrinologiya, kardiologiya, urologiya) sohalar hisobiga kengaytirish ko‘zda tutilgan.

Aholiga pulli tibbiy xizmat ko‘rsatuvchi xususiy tibbiyot tashkilotlari (stomatologiya va kosmetologiya muassasalaridan tashqari) 2022-yil 1-yanvarga qadar barcha soliq turlari va davlat maqsadli fondlariga majburiy ajratmalardan ozod etildi. Qishloq joylarida ochiladigan tibbiy xizmat sohasidagi mikrofirmalar va kichik korxonalar davlat ro‘yxatidan o‘tgan paytdan 10 yil muddatga yagona soliq to‘lovidan ozod qilindi.

Tijorat banklariga xususiy tibbiyot tashkilotlariga zamonaviy tibbiyot jihozlari va binolar xarid qilish, boshlang‘ich kapitalni shakllantirish uchun uzoq muddatli imtiyozli kreditlar taqdim etish, aholiga esa xususiy tibbiyot tashkilotlari xizmatidan foydalanish uchun iste’mol kreditlari ajratish tavsiya etildi.
Категория: Mahalliy | Просмотров: 133 | Добавил: versign | Рейтинг: 0.0/0
Всего комментариев: 0
avatar
CHAQMOQ.COM © 2016-2017 | Statok.net waplog Яндекс.Метрика