Меню Сайта
Онлайн Мини Чат
Статистика сайта
Онлайн всего: 30
Гостей: 30
Пользователей: 0
Фотогалерея
Главная » 2017 » Yanvar » 27 » Sherlok Xolms rolini ijro etgan Benedikt Kamberbetchning Tomas Edison qiyofasidagi birinchi surati e’lon qilindi
00:35
Sherlok Xolms rolini ijro etgan Benedikt Kamberbetchning Tomas Edison qiyofasidagi birinchi surati e’lon qilindi
The Weinstein Company biografik drama bo‘lgan “Toklar urushi” filmidan dastlabki suratni e’lon qildi. Bu filmda aktyor Benedikt Kamberbetch kashfiyotchi Tomas Edison rolini o‘ynagan. Bu haqda Entertainment Weekly nashriga tayanib, “Afisha Daily” xabar berdi.

Film doimiy va o‘zgaruvchan tokdan foydalanish imkoniyati ustida kurashgan Tomas Edison va Jorj Vestingauz (bu rolni Maykl Shennon ijro etgan) o‘rtasidagi raqobat haqida hikoya qiladi. Film voqealari XIX asrning 80-yillarida bo‘lib o‘tgan. Shuningdek, filmda Tom Holland, Nikolas Holt, Ketrin Uoterston va boshqalar suratga tushgan. Film rejissori “Men, Erl va jon berayotgan qiz” melodramasini suratga olgan Alfonso Gomes-Rexon. Kartina prodyusserlaridan biri Timur Bekmambetov. Filmning premyera sanasi hozircha noma’lum.

Benedikt Kamberbetch Britaniyaning “Sherlok” serialida bosh rolni o‘ynagandan so‘ng butun dunyoda mashhurlikka erishdi. Bundan tashqari, aktyor “Beshinchi hokimiyat”, “Doktor Strenj” va “Taqlid o‘yini” filmlarida suratga tushgan. “Taqlid o‘yini” filmida aktyor matematik Alan Tyuring rolini o‘ynagan va shu rol uchun “Oskar” mukofotiga nomzod bo‘lgan.

Yana bir ma'lumot: Sherlok serialining to'rtinchi faslining "So'nggi ish" 3-qismida Sherlokning yana bir akasi sifatida Kolin Morgan rol o'ynashi va uning ismi Sherringford Xolms bo'lishi kerak edi. Lekin filmda akasi emas, balkim singlisi borligi ma'lum qilindi va Kolin Morgan ushbu serialda Ishtirok etmadi.
Категория: Kino | Просмотров: 413 | Добавил: Админ | Теги: To'klar urishi, Benedikt Kamberbetch, sherlok, Tomas Edison | Рейтинг: 0.0/0
Всего комментариев: 1
avatar
1
Shu aktyor zorda
avatar
Реклама
Новости
Саундтреки
CHAQMOQ.COM © 2016-2017Конструктор сайтов - uCoz | Statok.net waplog