Главная » Новости » O'zbekiston yangiliklari
14:31
Toshkent viloyati hokimligi belgilanmagan vaqtda alkogol sotganlik uchun 553 ming so‘mgacha miqdorda jarima solishni taklif qildi

Toshkent viloyati hokimining jamoat joylarda tartibni saqlashga oid qarori loyihasi e’lon qilindi, deb yozadi Spot.

Unda:

alkogolli mahsulotlar bilan chakana savdo qilish huquqini beruvchi ruxsat guvohnomalari asosida ishlovchi ixtisoslashtirilgan do‘konlar va alohida savdo zallari (seksiyalar) tomonidan alkogolli mahsulotlarni sotishni mahalliy vaqt bilan soat 21:00 dan 09:00 ga qadar;

alkogolli mahsulotlarni sotish huquqi uchun ruxsat guvohnomalari mavjud umumiy ovqatlanish korxonalari, restoran, kafe, bar va tungi klublar (mehmonxonalar va mehmon uylari bundan mustasno) tomonidan mijozlarga xizmat ko‘rsatishni mahalliy vaqt bilan soat 23:00 dan 09:00 ga qadar to‘xtatish taklif qilinmoqda.

Ushbu qoidani buzganlik uchun eng kam ish haqining bir baravaridan uch baravarigacha (184 300 so‘mdan 552 900 so‘mgacha) miqdorda jarima solish taklif etilgan.

Qoidaning buzlishi ma’muriy huquqbuzarlik deb topiladi va u ashyoviy dalillar (foto va videomateriallar hamda kamida ikkita xolis ishtirokida tuzilgan dalolatnoma) bilan isbotlanadi.

Ashyoviy dalil sifatida do‘konlar, alohida savdo zallari (seksiyalar), umumiy ovqatlanish korxonalari, restoran, kafe, bar va tungi klublardan alkogolli mahsulotlar, nazorat-kassa mashinalari, bank terminallari hamda savdo-sotiq va xizmat ko‘rsatish bilan bog‘liq boshqa vositalar olib chiqilmaydi.

Tadbirkorlik subyektini mazkur qarorga muvofiq ma’muriy javobgarlikka tortish huquqni muhofaza qiluvchi va boshqa organlar tomonidan uning faoliyatini to‘xtatib turishga asos bo‘lmaydi.

Agar loyiha ko‘rib chiqish bosqichidan o‘tsa va tasdiqlansa, rasmiy e’lon qilingan kundan e’tiboran uch oydan keyin kuchga kiradi.
Manba: daryo.uz   

Do'stlaringizga ulashing / Поделиться:
Категория: O'zbekiston yangiliklari | Просмотров: 32 | Добавил: versign | Теги: ALKOGOL, Toshkent | Рейтинг: 0.0/0
Похожие Новости
Всего комментариев: 0
Имя *:
Email:
Подписка:1
Код *: