CHAQMOQ.COM - SUPER PORTAL
Yakshanba, 28.05.2017, 17:26
Приветствую Вас Гость | RSSГлавная | Регистрация | Вход
Меню сайта
Категории раздела
Dunyo [406]
Shou-Biznes [371]
Sport [189]
Kino [89]
Mahalliy [292]
Texnologiyalar [96]
Mobil operatorlar [46]
Munajjimlar bashorati 2017, 2018 [19]
Mobil telefonlar dunyosi [86]
Avto [28]
Dunyo g'aroyibotlari [19]
Foydali maslaxatlar [402]
Qiziqarli faktlar [69]
Salomatlik va Kasalliklar [146]
Qo'shiqlar matni [36]
Premyera [2]
Мини-чат
Наш опрос
Оцените мой сайт
Всего ответов: 117
Статистика

Онлайн всего: 110
Гостей: 109
Пользователей: 1
AZIZBEKK
Главная » 2017 » Aprel » 25 » Toshkent viloyatida ikkita qotillik jinoyati fosh etildi
21:34
Toshkent viloyatida ikkita qotillik jinoyati fosh etildi
Xalqimizda “bir kun janjal bo'lgan joydan qirq kun baraka ko'tariladi”, degan ibora bor. Ko'pincha yaxshi gap-so'zlar bilan boshlangan ulfatlar bazmi spirtli ichimlik ta`sirida oxir-oqibat janjal-to'polon bilan yakunlanib, mushtlashuvgacha borib yetadi, eng ayanchlisi, bunday holatlardan nafaqat ularning o'zlari, balki yaqinlari ham birdek aziyat chekadilar.

Toshkent viloyati IIB matbuot xizmatining xabar berishicha, joriy yilning 18 aprel kuni taxminan 03:45 larda birga spirtli ichimlik iste`mol qilib, Georgiy Panning uyida bazmu jamshid qilayotgan angrenlik ulfatlar Albert Gabulov va Sergey Petrovlar (ismlari o'zgartirilgan) o'zaro kelishmovchilik oqibatida kelib chiqqan janjal natijasida Albert Gabulov jon holatda sherigi Sergey Petrovning chap yelka, ko'krak qismiga bir marotaba o'tkir tig'li jism bilan, bosh soxasiga shisha idish bilan urib, tan jarohati yetkazgan. Natijada Sergey Petrov olgan tan jarohatlaridan voqea joyida vafot etgan.

Ushbu holat yuzasidan Albert Gabulovga nisbatan O'zbekiston Respublikasi Jinoyat Kodeksining tegishli moddalari bilan jinoyat ishi qo'zg'atilib, tergov harakatlari olib borilmoqda.

2017 yil 18 aprel kuni Olmaliq shahrida erkak kishining jasadi bosh sohasida olgan jarohatlari bilan topilgan, surishtiruv ishlari natijasida ushbu jasad Olmaliq shahrida yashagan 1972 yilda tug'ilgan Andrey Li ekanligi va uning bosh sohasidagi jarohat to'mtoq jism ta`sirida yetkazilganligi ayon bo'ldi. U ushbu jarohatlar va miyaga qon quyilishi oqibatida vafot etgan.

Olib borilgan tezkor chora-tadbirlar natijasida ushbu jinoyatni Pskent tumanida ro'yxatda turib, Olmaliq shahridagi dala-hovlida vaqtincha yashovchi, muqaddam sudlangan, ishsiz, 1967 yilda tug'ilgan Quvondiq Bolliyev sodir etganligi aniqlanib, ushlangan.

Mazkur holat bo'yicha O'zbekiston Respublikasi Jinoyat Kodeksining tegishli moddalari bilan jinoyat ishi qo'zg'atilib, tergov harakatlari olib borilmoqda.

Kasalni davolagandan ko'ra, uni oldini olgan afzal. Shu ma`noda, yuz bergan har bir huquqbuzarlik va jinoyatni yuzaga keltirgan sabablarni o'rganish, oqibatlarini bartaraf etish - nafaqat huquq-tartibot idoralari xodimlarining, balki har bir fuqaroning insoniy vazifasi bo'lishi lozim.
Категория: Mahalliy | Просмотров: 569 | Добавил: MAVRIK | Теги: Toshkent, viloyatida ikkita qotillik jinoyati | Рейтинг: 0.0/0
Всего комментариев: 0
avatar
Вход на сайт
Логин:
Пароль:
Поиск
Календарь
Архив записей
Друзья сайта
  • Официальный блог
  • Сообщество uCoz
  • База знаний uCoz