Меню Сайта
Онлайн Мини Чат
Статистика сайта
Онлайн всего: 117
Гостей: 115
Пользователей: 2
mmmm, amir22
Фотогалерея
Главная » 2017 » Fevral » 11 » ​Uy xandon bekaning siri nimada?
16:57
​Uy xandon bekaning siri nimada?
Uy yumushlariyu ro`zg`or tashvishlari bilan bo`lib, tobora asabiy va jizzaki ayolga aylanib borayapsizmi? «Ha» deyishga og`iz juftlayotgan bo`lsangiz, to`xtang! Qani o`zingizni qo`lga olingchi! Qaddingizni tik tutdingizmi? Barakalla! Ana endi ijobiy hissiyotlarni paydo qilishning bir qancha usullari bilan tanishing.

Shokolad va qahva! Kuz tongini aynan mana shu juftlik bilan boshlang. Qaynoqqina qahva va tilda eriydigan shirinlik, albatta, kayfiyatingizning ko`tarilishiga yordam beradi. Tabassum bilan boshlangan kun esa hayrli kechadi.

Quloqchinlaringiz bormi? Musiqa kayfiyatga qarab tanlanishi rost. Kuzda ko`pincha sokin taronalarni tinglaymiz. Ammo bu bilan ayriliq yoki shu kabi kayfiyat bag`ishlovchi taronalarni tushunmang. Muhabbat to`g`risidagi qo`shiqlarni tinglang! Quloqchinlarni taqib olib, uy ishlarini bajarish esa g`ayratingizni oshiradi.

Uchrashuvga chiqing! «Erim o`qib qolsa bormi», deya yuragingiz taka-puka bo`layaptimi? Havotirlanmang, shu erginangiz bilan uchrashing deyapmiz-da. Hafta davomida atigi bir soat vaqt toping-da, birga tushlik qiling yoki shunchaki sayrga chiqing. Nafaqat kayfiyatingiz ko`tariladi, balki munosabatlaringizda ham ijobiy o`zgarishlar kuzatiladi. Mana meni aytdi dersiz.

Farzandingiz bilan shug`ullaning! Biz qizim bilan birga quvlashmachoq o`ynaymiz, o`yinchoq qoshiqchasida meni ovqatlantiradigan odati ham bor. Tag`in kichik she`rlarni yod olayapmiz. Qizalog`imning kulgusi, shodon qiyqirig`idan shunaqangi quvvat olaman, asti so`ramang!

Qo`shiq kuylang! Bu o`zimda sinalgan tavsiyalardan biri. Tushkunlikka berilmaslik uchun hirgoyi qilaman. Uyda musiqani yoqib, baralla ashula aytishim ham mumkin. Ko`pincha bu ishni farzandlarim bilan birga bajaramiz.

Intererni yangilang! Bir xillikdan zerikkan bo`lsangiz, bu ayni muddao. Jihozlarning odatdagi o`rnini almashtirib, tamoman yangicha ko`rinishni paydo qiling.

Ruxshona, xonanda
Категория: Foydali maslaxatlar | Просмотров: 139 | Добавил: ADMIN | Теги: Xonanda, Ayol, Shou-biznes | Рейтинг: 5.0/1
Всего комментариев: 0
avatar
Реклама
Новости
Саундтреки
CHAQMOQ.COM © 2016-2017Конструктор сайтов - uCoz | Statok.net waplog